చిచ్చు పెడుతున్న చంద్రబాబు: సుహాసిని పోటీపై కేటీఆర్ వ్యాఖ్యలు

కాంగ్రెస్, టీడీపీలు  ఏ ప్రాతిపదికన పొత్తు పెట్టుకొన్నారో చెప్పాలని కేటీఆర్ ప్రశ్నించారు. 

ktr

హైదరాబాద్: కాంగ్రెస్, టీడీపీలు ఏ ప్రాతిపదికన పొత్తు పెట్టుకొన్నారో చెప్పాలని కేటీఆర్ ప్రశ్నించారు. డిసెంబర్ 11 తర్వాత రాహుల్ గాంధీ వీణ , చంద్రబాబునాయుడు ఫీడేల్ వాయించుకోవాల్సిందేనని కేటీఆర్ ఎద్దేవా చేశారు.

శనివారం నాడు జరిగిన కూకట్‌పల్లిలో జరిగిన సీమాంధ్రుల సభలో కేటీఆర్ పాల్గొన్నారు.తెలంగాణ వస్తే సీమాంధ్రులను తరిమేస్తారంటూ దుష్ప్రచారం చేశారని కేటీఆర్ చెప్పారు. జీహెచ్ఎంసీ ఎన్నికల్లో టీఆర్ఎస్ ఒంటరిగా విజయం సాధిస్తామని తాను ఆనాడూ చెప్పినట్టు కేటీఆర్ గుర్తు చేశారు.

జీహెచ్ఎంసీ ఎన్నికల్లో టీఆర్ఎస్ 100 సీట్లను విజయం సాధిస్తే చెవి కోసుకొంటానని సీపీఐ నేత కె. నారాయణ, ఆనాటి టీడీపీ నేత రేవంత్ రెడ్డి చేసిన విమర్శలను ఆయన గుర్తు చేశారు. 

కానీ, టీఆర్ఎస్ 99 కార్పోరేషన్లను కైవసం చేసుకొందని కేటీఆర్ గుర్తు చేశారు.కానీ సవాళ్లు చేసిన నారాయణ, రేవంత్ రెడ్డిలు ఎటు వెళ్లారని కేటీఆర్ ప్రశ్నించారు. కేసీఆర్‌ను ఒంటరిగా ఎదుర్కొనే ధైర్యం లేని నాలుగు పార్టీలు కూటమిగా ఏర్పడ్డాయని కేటీఆర్ పీపుల్స్ ఫ్రంట్‌పై విమర్శలు గుప్పించారు.

కాంగ్రెస్, టీడీపీలు ఏ ప్రాతిపదికన పొత్తు పెట్టుకొన్నారో చెప్పాలని కేటీఆర్ ప్రశ్నించారు. డిసెంబర్ 11 తర్వాత రాహుల్ గాంధీ వీణ , చంద్రబాబునాయుడు ఫీడేల్ వాయించుకోవాల్సిందేనని కేటీఆర్ ఎద్దేవా చేశారు.

నాలుగేళ్ల టీఆర్ఎస్ పాలనలో శాంతి భద్రతల సమస్యల తలెత్తలేదన్నారు. శాంతిభద్రతల, విద్యుత్ సరఫరా విషయంలో టీఆర్ఎస్ సర్కార్ చేసిన కార్యక్రమాలపై ప్రజలు ఆదరించినట్టు చెప్పారు. గత 70 ఏళ్లలో ఏనాడూ లేని విధంగా శాంతిభద్రతల సమస్య ఉత్పన్నం కాలేదన్నారు.

జీహెచ్ఎంసీ ఎన్నికల్లో సీమాంధ్రులు టీఆర్ఎస్‌కు మద్దతిచ్చిన విషయాన్ని కేటీఆర్ గుర్తు చేశారు. కుల,మత ప్రాంతాల పేరుతో ఎనాడూ కూడ టీఆర్ఎస్ రాజకీయాలు చేయలేదన్నారు. 

9 ఏళ్లలో హైద్రాబాద్ ను తానే నిర్మించినట్టు చంద్రబాబునాయుడు గొప్పలు చెబుతున్నాడన్నారు. ఇంత పెద్ద హైద్రాబాద్‌ను అభివృద్ధి చేసిన చంద్రబాబునాయుడు అమరావతిని ఎందుకు ఇంకా నిర్మించలేదో చెప్పాలని ఆయన ప్రశ్నించారు.

కూకట్‌పల్లిలో టీడీపీలో ఎవరూ లేరా.. ఎక్కడి నుండి ఇక్కడికి బరిలోకి దింపి భావోద్వేగాలను రెచ్చగొట్టే ప్రయత్నం చేస్తున్నారని పరోక్షంగా సుహాసినిని టీడీపీ అభ్యర్ధిగా బరిలోకి దింపడంపై కేటీఆర్ విమర్శలు గుప్పించారు. రాష్ట్ర విభజన అనేది ప్రాంతాల విభజన మాత్రమేనని కేటీఆర్ చెప్పారు.

నందమూరి హరికృష్ణ మరణించిన రోజున నల్గొండ జిల్లా నుండి జగదీష్ రెడ్డి సంఘటన స్థలానికి వెళ్లి చంద్రబాబునాయుడుతో పాటు హైద్రాబాద్ కు వచ్చారని చెప్పారు. హరికృష్ణ పార్థీవ దేహం హైద్రాబాద్ కు రాగానే తనతో పాటు కేసీఆర్ ఆ కుటుంబసభ్యులను పరామర్శించినట్టు తెలిపారు.

రెండు గంటల పాటు తాను హరికృష్ణ నివాసం వద్దే ఉన్నట్టు ఆయన గుర్తు చేశారు. రాజకీయ లబ్దికోసం తాము ప్రయత్నించలేదని ఆయన గుర్తు చేశారు. ఈ నాలుగేళ్ల పాటు తాము ఉద్వేగాలను రెచ్చగొట్టలేదన్నారు. 

సంబంధిత వార్తలు