శబరిమల: సుప్రీం తీర్పుపై అఫిడవిట్‌కు ట్రావెన్ కోర్ బోర్డు నిర్ణయం

కేరళ రాష్ట్రంలోని శబరిమల ఆలయంలో మహిళల ప్రవేశానికి వీలు కల్పిస్తూ సుప్రీం కోర్టు తీర్పుపై అఫిడవిట్‌ను దాఖలు చేయాలని   ట్రావెన్ కోర్ దేవాలయ కమిటీ  శుక్రవారం నాడు నిర్ణయం తీసుకొంది.

sabarimala

శబరిమల: కేరళ రాష్ట్రంలోని శబరిమల ఆలయంలో మహిళల ప్రవేశానికి వీలు కల్పిస్తూ సుప్రీం కోర్టు తీర్పుపై అఫిడవిట్‌ను దాఖలు చేయాలని ట్రావెన్ కోర్ దేవాలయ కమిటీ శుక్రవారం నాడు నిర్ణయం తీసుకొంది.

శబరిమల ఆలయంలోకి మహిళల ప్రవేశాన్ని కల్పిస్తూ సుప్రీంకోర్టు ఇచ్చిన తీర్పు నేపథ్యంలో శుక్రవారం నాడు ఇద్దరు మహిళలు ఆలయంలోకి వెళ్లేందుకు ప్రయత్నించి చివరి నిమిషంలో వెనుదిరిగారు.

ఆలయాన్ని మూసివేస్తామని పూజారులు హెచ్చరించడంతో మహిళలు వెనుదిరిగారు. ఇదిలా ఉంటే శుక్రవారం నాడు మధ్యాహ్నం సమావేశమైన ట్రావెన్‌కోర్ బోర్డు సుప్రీంకోర్టు తీర్పుపై అఫిడవిట్‌ను దాఖలు చేయాలని నిర్ణయం తీసుకొన్నట్టు కమిటీ చెర్మైన్ ఎ. పద్మకుమార్ ప్రకటించారు.

తాము రాజకీయాలు చేయడం లేదన్నారు. భక్తుల విశ్వాసాలకు కట్టుబడి ఉన్నామని ఆయన ప్రకటించారు. శబరిమలలో నెలకొన్న పరిస్థితులపై పూర్తిగా ఆ అఫిడవిట్‌లో వివరించనున్నట్టు చెప్పారు. ఆలయంలో చోటు చేసుకొన్న పరిస్థితులపై రాష్ట్ర హైకోర్టుకు కూడ పూర్తి నివేదికను అందించనున్నట్టు ఆయన తెలిపారు.

సంబంధిత వార్తలు