మిక్సీలో వీటిని మాత్రం గ్రైండ్ చేయకండి.. లేదంటే?

మిక్సీల వాడకంతో ఆడవాళ్లకు చాలా పనులు తగ్గాయి. చేతులతో రుబ్బడానికి గంటల సమయం పడుతుంది. మిక్సీలు జస్ట్ రెండు, మూడు నిమిషాల్లో ఎలాంటి దాన్నైనా పిండి పిండి చేస్తాయి. అందుకే దోశ పిండి పట్టడానికి, ఉడకబెట్టిన పప్పును మెత్తగా చేయడానికి, అల్లం వెల్లుల్లిని రుబ్బడానికి మిక్సీలనే ఎక్కువగా ఉపయోగిస్తారు. ఇంతేకాదు మసాలా దినుసులను మెత్తటి పొడిలా చేయడానికంటూ ఎన్నో విధాలుగా మిక్సీలను ఉపయోగిస్తారు. మిక్సీతో పనులు తొందరగా అయిపోయినప్పటికీ.. కొన్ని ఆహారాలను మిక్సీలో మాత్రం వేయకూడదు. ఎందుకు? అవేంటో ఇప్పుడు తెలుసుకుందాం పదండి.
 

వేడి వేడి ద్రవాలు

మిక్సీలను మనం ఎన్నో విధాలుగా ఉపయోగిస్తాం. అయితే కొందరు వేడి వేడి ద్రవాలను కూడా మిక్సర్ లో పోసేస్తారు. కానీ వీటిని మిక్సర్ లో పోస్తే మిక్సర్ లోపలి వేడి ఆవిరి వల్ల అవి పేలే అవకాశం ఉందని నిపుణులు చెబుతున్నారు. 
 

బంగాళాదుంప, అల్లం 

బంగాళాదుంపలను, అల్లాన్ని మిక్సీలో గ్రైండ్ చేసే అలవాటు చాలా మంది ఉంటుంది. ఎందుకంటే మిక్సీలో కేవలం నిమిషాల్లోనే  ఇవి మెత్తగా అవుతాయి. కానీ వీటిని మిక్సీలో గ్రైండ్ చేస్తే వీటిలో ఉండే ఫైబర్ కంటెంట్ వేరు అవుతుంది. దీంతో మన శరీరానికి మేలు చేసే గుణాలు పోతాయి. అలాగే వీటి టేస్ట్ కూడా తగ్గుతుంది. 
 

మసాలా దినుసులు

చాలా మంది ఆడవారు ఇంట్లోనే మసాలాను తయారుచేస్తుంటారు. ఇందుకోసం మసాలా దినుసులన్నింటినీ వేయించి మిక్సీలో వేసి గ్రైండ్ చేస్తారు. కానీ మిక్సీలో మసాలా దినుసులు సరిగ్గా గ్రైండ్ కావు. అలాగే వీటిని గ్రైండ్ చేయడానికి చాలా సమయం పడుతుంది. 

ఐస్ క్యూబ్స్ 

ఐస్ క్యూబ్స్ లేదా గడ్డకట్టిన పదార్థాలను కూడా ఎట్టి పరిస్థితిలో మిక్సీలో గ్రైండ్ చేయకూడదు. ఒకవేళ మీరు ఐస్ క్యూబ్స్ ను మిక్సీలో వేసి గ్రైండ్ చేస్తే మాత్రం మిక్సర్ బ్లేడ్లు విరిగిపోతాయి.
 

సువాసన కలిగిన ఆహారాలు

అల్లం, వెల్లుల్లి, మిరపకాయలు వంటి ఘాటైన లేదా కారంగా ఉండే ఆహారాలను కూడా మిక్సీలో వేసి గ్రైండ్ చేయకూడదు. మిక్సీలో వేసి గ్రైండ్ చేయడం వల్ల మిక్సర్ లో వేడి రుచే ఉంటుంది. అలాగే ఇతర ఆహారాలు గ్రైండ్ చేసినప్పుడు దాని రుచి మారుతుంది. ఘాటైన వాసన వచ్చే ఆహారాలను గ్రైండ్ చేసిన తర్వాత మిక్సీ గిన్నెను బాగా కడగాలి. 
 

పిండి

కొంతమంది పిండిని గ్రైండ్ చేయడానికి కూడా మిక్సీని ఉపయోగిస్తుంటారు. కానీ పిండిని బాగా కలపడానికి, సరైన స్థిరత్వాన్ని చేరుకోవడానికి చాలా సమయం పడుతుంది.

కార్బోనేటేడ్ పానీయాలు

సోడా వంటి కార్బోనేటేడ్ పానీయాలను కూడా మిక్సీలో పోసి గ్రైండ్ చేయడం మంచిది కాదు. ఎందుకంటే వీటివల్ల ఒత్తిడి ఏర్పడి మిక్సీ పేలిపోయే ప్రమాదం ఉంది.