ఆర్ ఆర్ ఆర్ కంటే ముందే మెగా-నందమూరి కాంబో... పవన్-బాలయ్య చేయాల్సిన ఆ హిట్ మూవీ ఎలా మిస్ అయ్యింది?

టాలీవుడ్ లో కొణిదెల, నందమూరి అభిమానుల మధ్య బీభత్సమైన ఫ్యాన్ వార్ నడుస్తుంది. మూడు దశాబ్దాలకు పైగా ఈ రెండు కుటుంబాల హీరోల అభిమానులు మాటల దాడి చేసుకుంటున్నారు. ఈ క్రమంలో నందమూరి-మెగా హీరోలు కలిసి మల్టీస్టారర్స్ చేయడం అసాధ్యం. 
 

చిరంజీవి నటుడిగా ఎదిగే క్రమంలో సీనియర్ ఎన్టీఆర్ తో కొన్ని సినిమాలు చేశాడు. ఎన్టీఆర్ చిత్రాల్లో విలన్ గా, సపోర్టింగ్ రోల్స్ చేశాడు. స్టార్ అయ్యాక ఎన్టీఆర్ తో ఆయన సినిమాలు చేయలేదు. ఆర్ ఆర్ ఆర్ తో రాజమౌళి ఈ కల సాకారం చేశాడు. ఎన్టీఆర్-రామ్ చరణ్ ఈ మూవీలో నటించారు. 

అయితే ఆర్ ఆర్ ఆర్ కంటే ముందే మెగా-నందమూరి కాంబో సాకారం కావాల్సింది. 2015లో విడుదలైన గోపాల గోపాల హిట్ టాక్ తెచ్చుకుంది. హిందీ చిత్రం ఓ మై గాడ్ చిత్రానికి ఇది రీమేక్. పవన్ కళ్యాణ్-వెంకటేష్ నటించారు. 

గోపాల గోపాల చిత్రానికి కిషోర్ కుమార్ పార్థసాని దర్శకుడు. కాగా వెంకటేష్ పాత్రకు ఆయన బాలకృష్ణను అనుకున్నారట. ఈ మేరకు ఆయన్ని సంప్రదించారట. పవన్ కళ్యాణ్ భగవంతుడిగా నటిస్తున్నప్పుడు తాను సామాన్యుడిగా నటిస్తే బాగోదు. తన ఇమేజ్ కి సెట్ కాదని బాలయ్య భావించారట.

అభిమానులు కూడా అంగీకరించకపోవచ్చు అనుకున్న బాలయ్య సున్నితంగా తిరస్కరించారట. బాలయ్య చేయను అనడంతో ఆ పాత్ర వెంకటేష్ కి దక్కిందట. గోపాల గోపాల హిట్ టాక్ తెచ్చుకోవడం విశేషం. అలా బాలయ్య-పవన్ కళ్యాణ్ కాంబోలో మూవీ మిస్ అయ్యింది.