వైవా హర్ష తన భార్యకు విడాకులు ఇస్తున్నాడా..? క్లారిటీ ఇచ్చిన స్టార్ కమెడియన్..?

ప్రముఖ యూట్యూబర్.. స్టార్ కమెడియన్ వైవా హార్ష.. తన భార్యకు విడాకులు ఇస్తున్నాడా..? సోషల్ మీడియాలో వైరల్ అవుతున్న వార్తల్లో నిజం ఎంత..?  

ఈమధ్య కాలంలో సెలబ్రిటీల పెళ్లిల్లు.. విడాకులు ఎక్కువై పోయాయి. అంతే కాదు విడాకులు రూమర్లు కూడా ఎక్కువ అయ్యాయి. అయితే రూమర్ల సంగతి పక్కన పెడితే నిజంగా విడాకులు తీసుకుంటున్న  తారల సంఖ్య భారీగా పెరుగుతోంది. ఈ మధ్య కాలంలోనే సమంత, చైతు, ధనుష్, ఐశ్వర్య.. ఒక‌రి త‌ర్వాత ఒక‌రు త‌మ వైవాహిక బంధానికి ముగింపు పలుకుతున్నారు. 

ఇలా కొంత మందిపై రూమర్లు కూడా వస్తున్నాయి. అయితే  టాలీవుడ్ లో క‌మెడియ‌న్ గా.. అంతకు ముందు యూట్యూబర్ గా  ఫేమస్ అయిన  వైవా హ‌ర్ష అందరికి తెలిసిన వ్యక్తే. అయితే ఈమధ్యనే ఆయన అక్ష‌ర‌ అనే అమ్మాయిని వివాహం చేసుకున్నాడు. అయితే తాజాగా ఆయన తన భార్యకు  విడాకులు ఇవ్వ‌బోతున్నాడంటూ రెండు రోజుల నుంచి ప్రచారం  జోరుగా జ‌రుగుతోంది. 

అయితే దీనికి ప్రధాన కారణం కూడా  హ‌ర్ష పెట్టిన ఒక పోస్టే కార‌ణం అయ్యింది. ఆయన ఏమని పోస్ట్ పెట్టాడంటే..  ఏద‌మైందో ఏమో గానీ స‌డెన్ గా సోష‌ల్ మీడియాలో.. లైఫ్ అనేది రోలర్‌ కోస్టర్‌ రైడ్‌లాంటిది. ఎత్తుపల్లాలు, ఎగ్జైట్మెంట్, చికాకు, భయం, థ్రిల్‌.. ఇలా అన్నీ ఉంటాయి. కానీ, ఏవీ మన చేతిలో ఉండవు. మనల్ని ఆపడానికి వస్తాయి. తర్వాత అవే వెళ్లిపోతాయి. అని పోస్ట్ పెట్టాడు. 

అంతే కాదు మనం బకెల్‌ పట్టుకుని కూర్చుని రైడ్‌ను ఎంజాయ్‌ చేయడం తప్ప ఏం చేయాలేం. జీవితంలో దేనిని  కోరుకోకూడదు.. అది రాలేదు అని నిరాశపడకూడదు.. జీవితం ఎటు వెళ్తే.. అటు గుడ్డిగా వెళ్లిపోవడమే అంటే హర్ష పోస్ట్ పెట్టారు. దాంతో ఈ పోస్ట్ చూసి చాలామంది ఆలోచనలో పడ్డారు. ఏం జరిగి ఉంటుంది.. ఎందుకు ఇలా పెట్టాడు అంటూ ఫ్యాన్స్ కూడా చర్చించుకుంటున్నారు. 

హర్ష ఎంగేజ్‌మెంట్‌ దృశ్యం.

ఇకఇదే అదనుగా చాలామంది సోషల్ మీడియా జనాలు హ‌ర్ష ప‌ర్స‌న‌ల్ లైఫ్‌లో ప్రాబ్ల‌మ్స్ ఫేస్ చేస్తున్నాడ‌ని.. అతని భార్య ఆక్ష‌ర‌కు విడాకులు ఇవ్వ‌బోతున్నాడ‌ని రకరకాల ప్రచారం స్టార్ట్ చేయడం మొదలు పెట్టారు. వైజాగ్ లో అప్పర్ మిడిల్ క్లాస్ ఫ్యామిలీలో పుట్టాడు హర్ష.  రీసెంట్ గా సుందరం మాస్టార్ మూవీతో హీరోగా కూడా మారాడు. గతంలో వైవా సిరీస్ తో . యూట్యూబ‌ర్ గా కెరీర్ స్టార్ట్ చేశాడు.. బాగా ఫేమస్ అయ్యాడు.. ఆత‌ర్వాత సినిమాల్లోకి వ‌చ్చి క‌మెడియ‌న్ గా చాలా షార్ట్ టైమ్ లో ఎదిగాడు హర్ష. 

ఇక ఈ రూమర్స్ పై.. స్పందించాడు హర్ష. విడాకులపై క్లారిటీ ఇస్తూ.. మరో పోస్ట్ పెట్టాడు. తనకు తన భార్యకు  విడాకుల వార్త‌ల్లో ఎటువంటి నిజం లేద‌ని  క్లారిటీ ఇచ్చాడు. తనకు ఈ విధంగా ప్రశ్నిస్తూ.. కాల్స్ వస్తున్నాయని... ఇక తనుపెట్టిన  పోస్టు గురించి ఆరా తీస్తున్నారని.. తనకు ఏమయ్యిందో అని కంగారుపడుతున్నారని.. వారందరికి హర్ష కృత‌జ్ఞ‌త‌లు తెలిపాడు.

తన జీవితంలో చాలామంది  అందమైన వ్యక్తులు ఉన్నారని. వారి వల్ల తాను పర్సనల్ లైఫ్ లో ఎంతో  సంతోషంగా ఉన్నాని అన్నారు. అయితే తన పని విషయంలోనే తాను  కాస్త చికాకుగా ఉన్నాన‌ని.. ఎన్ని ఇబ్బందులు ఎదురైనా మరింత స్ట్రాంగ్‌గా తిరిగొస్తాన‌ని హ‌ర్ష తెలిపాడు.  దాంతో విడాకుల వార్తలు ప్రచారం చేస్తున్నవారికి స్ట్రాంగ్ కౌంటర్ ఇచ్చినట్టు అయ్యింది.