ప్రభాస్ అమ్మగారికి బాగా ఇష్టమైన సినిమా ఏదో తెలుసా..? కొడుకుని ఆ సినిమాలో చూసి మురిసిపోయిందట స్టార్ మదర్..

యంగ్ రెబల్ స్టార్ ప్రభాస్ సినిమాను ఇష్టపడనివారు ఎవరు ఉంటారు చెప్పండి. ఆయన సినిమా ప్లాప్ అయినా.. ఎక్కువమంది చూడటానికి ఇంట్రెస్ట్ చూపిస్తారు. మరి ప్రభాస్ సినిమాల్లో ఆయన అమ్మగారికి బాగా ఇష్టమైన సినిమా ఏదో మీకు తెలుసా..?

ప్రస్తుతం పాన్ ఇండియాను శాసిస్తున్నాడు యంగ్ రెబల్ స్టార్ ప్రభాస్. ఎక్కడ ఈశ్వర్.. ఎక్కడ బాహుబలి.. ఎక్కడ సలార్.. ఇప్పుడు కల్కి... ప్రభాస్ మూవీ జర్నీ.. చాలామందికి ఆదర్శం. అంచలంచలుగా ఎదుగుతూ వచ్చిన ప్రభాస్.. దేశ వ్యాప్తంగానే కాదు.. జపాన్ లాంటి దేశాల్లో కూడా అభిమానులను సంపాదించి పాన్ వరల్డ్ స్టార్ గామారిపోయాడు., 

ప్రస్తుతం ప్రభాస్ కల్కీ సినిమా రిలీజ్ కు రెడీగా ఉంది. త్వరలో దేశవ్యాప్తంగా ప్రమోషన్లు కూడా స్టార్ట్ అయ్యే అవకాశం ఉంది. ఈసినిమాతో ఆయన మరోసారి పాన్ వరల్డ్ ను షేక్ చేయడం ఖాయం అంటున్నారు ఫ్యాన్స్. ఈక్రమంలో ప్రభాస్ కు సబంధించిన చాలా విషయాలు వైరల్ అవుతూ వస్తున్నాయి. తాగా ఆయన పర్సనల్ విషయం ఒకటి సూపర్ ఫాస్ట్ గా స్ప్రెడ్ అవుతోంది. 

ప్రభాస్ ఎన్ని సినిమాలు చేసి.. ఎంత పేరు వచ్చినా.. ఫ్యామిలీకి ఇవ్వాల్సిన టైమ్ ఇస్తాడు. 44 ఏళ్ళు వచ్చినా.. ఇంకా పెళ్ళి చేసుకోని హ్యాండ్సమ్ హీరో.. ఇంట్లో అమ్మ మాటకు మాత్రం నో చెప్పడట. ఆమె కూడా ప్రభాస్ మనసెరిగి ప్రవర్తిస్తుందట. ఇంతకీ ప్రభాస్ అమ్మగారికి ఆయన సినిమాల్లో బాగా ఇష్టమైన సినిమా ఏదో తెలుసా..? ఆ సినిమాలో ప్రభాస్ ను చూసి బాగా మురిసిపోయారట కూడా. 

ఇంతకీ ప్రభాస్ వాళ్ళ అమ్మకు ఆయన చేసిన సినిమాల్లో బాగా ఇష్టమైన మూవీ మిర్చి. ఈ సినిమా అంటే ఆమెకు చాలా ఇష్టమట. ఈ సినిమాలో ఫాదర్ అండ్ సన్స్ మధ్య ఉండే ఎమోషనల్ సీన్స్ కు ఆమె బాగా కనెక్ట్ అయ్యారట. అంతే కాదు ప్రభాస్ ను తాను ఏ పాత్రలో చూడాలి అనుకున్నారో.. సరిగ్గా అదే పాత్రలో కొరటాల శివ చూపించారని మురిసిపోయారట ప్రభాస్ తల్లిగారు.

ప్రభాస్ ఆయన పెదనాన్న కృష్ణం రాజు వారసుడిగా ఇండస్ట్రీకి రావడంతో.. ప్రభాస్ అమ్మానాన్నల గురించి చాలా మందికి  పెద్దగా తెలీదు. ఉప్పలపాటి సూర్యనారాయణ రాజు శివకుమారి దంపతులకు 1979 వ సంవత్సరం అక్టోబర్ 23న ప్రభాస్ పుట్టారు. వాళ్ళ నాన్న అనారోగ్యం కారణంగా చనిపోయారు. 

Prabhas

ప్రస్తుతం ప్రభాస్ అరడజను పాన్ ఇండియా సినిమాలతో బిజీగా ఉన్నారు. ఆయన నటించిన పాన్ వరల్డ్ సినిమా కల్కీ రిలీజ్ కు రెడీ అవుతోంది. ఇక ఈ సినిమాతో పాటు మారుతి డైరెక్షన్ లో రాజాసాబ్, సందీప్ వంగాతో స్పిరిట్, ప్రశాంత్ నీల్ తో సలార్ 2, వీటితో పాటు హనురాఘవపూడితో మరో మూవీ కమిట్ అయ్యారు ప్రభాస్. మూడేళ్ళ పాటు బిజీ బిజీ అవ్వబోతున్నాడు రెబల్ స్టార్.