బాక్సాఫీస్ వద్ద రికార్డు ముక్క మిగలదు..బాలయ్య నరసింహ స్వామిగా ప్రశాంత్ వర్మ సూపర్ హీరో మూవీ ?
హను మాన్ మూవీ ప్రభంజనంతో డైరెక్టర్ ప్రశాంత్ వర్మ టాలీవుడ్ లో ఒక్కసారిగా నెక్స్ట్ లెవల్ కి వెళ్ళిపోయాడు. కేవలం టాలీవుడ్ లో మాత్రమే కాదు పాన్ ఇండియా వైడ్ గా ప్రశాంత్ వర్మ పేరు మారుమోగుతోంది.
హను మాన్ మూవీ ప్రభంజనంతో డైరెక్టర్ ప్రశాంత్ వర్మ టాలీవుడ్ లో ఒక్కసారిగా నెక్స్ట్ లెవల్ కి వెళ్ళిపోయాడు. కేవలం టాలీవుడ్ లో మాత్రమే కాదు పాన్ ఇండియా వైడ్ గా ప్రశాంత్ వర్మ పేరు మారుమోగుతోంది. ఆడియన్స్ ని భక్తి పారవశ్యంలో ముంచుతూనే గూస్ బంప్స్ తెప్పించే సన్నివేశాలతో అదరగొట్టేశారు. తక్కువ బడ్జెట్ లో నే ప్రశాంత్ వర్మ ఇంతటి అద్భుతమైన సినిమా తెరకెక్కిస్తే.. ఇక మంచి బడ్జెట్ స్టార్ హీరో దొరికితే ఇంకెన్ని అద్భుతాలు చేస్తాడో అంటూ నెటిజన్లు ప్రశంసలు కురిపిస్తున్నారు.
![article_image2](https://static-ai.asianetnews.com/images/01hj0zkgvjcagefvsjxj65wwwy/prashanth-varma-balayya-jpg_300x171xt.jpg)
హను మాన్ చిత్రంలోనే మంచి ట్విస్ట్ తో ప్రశాంత్ వర్మ పార్ట్ 2 అనౌన్స్ చేశాడు. ఈ చిత్రానికి జై హనుమాన్ అనే టైటిల్ కూడా ఫిక్స్ చేశారు. 2025లో రిలీజ్ చేస్తున్నట్లు కూడా అనౌన్స్ చేశారు. అయితే హనుమాన్ తర్వాత ప్రశాంత్ వర్మ జై హనుమాన్ చిత్రాన్ని పూర్తి చేయడానికే సమయం కేటాయిస్తాడా లేక వేరే హీరోతో కొత్త మూవీ ప్రారంభిస్తాడా అనేది ఉత్కంఠగా మారింది.
తన వద్ద దాదాపు 10 సూపర్ హీరో కథలు ఉన్నట్లు ప్రశాంత్ వర్మ ఆల్రెడీ ప్రకటించిన సంగతి తెలిసిందే. బాలకృష్ణకి ప్రశాంత్ వర్మ బాగా క్లోజ్ అనే టాక్ ఉంది. దర్శకుడిగా కాకపోయినా ప్రశాంత్ వర్మ గతంలో బాలయ్యతో వర్క్ చేశారు. అయితే బాలయ్యతో సినిమా ఎప్పుడు అంటూ ఫ్యాన్స్ అడగడం, మీడియా ప్రశ్నించడంతో కొన్ని రోజుల క్రితం ప్రశాంత్ వర్మ సమాధానం ఇచ్చాడు. బాలకృష్ణ గారు భైరవద్వీపం, ఆదిత్య 369 లాంటి అద్భుతమైన జోనర్స్ చేశారు.
మా ఇద్దరి కాంబినేషన్ లో వచ్చే చిత్రం ఇండియన్ సినిమాలో ఎవరూ చేయని జోనర్ అయి ఉంటుంది అని ప్రశాంత్ వర్మ అన్నారు. కథ కూడా ఆల్రెడీ రెడీ అయింది అని ప్రశాంత్ వర్మ అన్నారు. అంతకంటే ముందుగా తాను బాలయ్యకి హను మాన్ చిత్రాన్ని చూపించాలని కూడా అన్నారు.
అయితే బాలయ్యతో సినిమా ఎప్పుడు ఉంటుంది అనే దానిపై మాత్రం ప్రశాంత్ వర్మ క్లారిటీ ఇవ్వలేదు. తాజాగా హను మాన్ టీమ్ తేజ సజ్జా, ప్రశాంత్ వర్మ మంచు మనోజ్ హోస్ట్ గా చేస్తున్న ఉస్తాద్ షోకి హాజరయ్యారు. ఈ షోలో మంచు మనోజ్ మాట్లాడుతూ.. బాలయ్య నీకు బాగా క్లోజ్ కదా.. ఆయనతో నరసింహ స్వామి అవతారంలో సూపర్ హీరో మూవీ చేశావంటే ఉంటుంది నా సామిరంగా అంటూ మంచు మనోజ్ ఆసక్తికర వ్యాఖ్యలు చేశాడు. దీనితో అక్కడున్న ఆడియన్స్ అంతా కేరింతలు కొట్టారు.
బాలయ్య నరసింహ స్వామిగా ప్రశాంత్ వర్మ దర్శకత్వంలో వెండితెరపై కనిపిస్తే బాక్సాఫీస్ వద్ద రికార్డు ముక్క కూడా మిగలదు అంటూ ఫ్యాన్స్ కామెంట్స్ చేస్తున్నారు. ఏదిఏమైనా ప్రశాంత్ వర్మ, బాలయ్య కాంబినేషన్ లో ఒక చిత్రం త్వరగా రావాలని ఫ్యాన్స్ కోరుకుంటున్నారు.