Naga Chaitanya: నాగ చైతన్య నోరు విప్పాల్సిన సమయం వచ్చింది... ఏం చెప్పనున్నాడు!

నాగ చైతన్య-సమంత (Samantha)విడాకులు ప్రకటించి చాలా కాలం అవుతుంది. విడాకులకు సమంత ప్రవర్తనే కారణమంటూ మీడియాలో కథనాలు వెలువడ్డాయి. నాగ చైతన్య పీఆర్ టీమ్ కావాలనే ఈ పుకార్లు సృష్టించినట్లు సమంత పీఆర్ టీం ఆరోపించారు. అలాగే సమంత సోషల్ మీడియాలో పరోక్షంగా నాగ చైతన్యను టార్గెట్ చేస్తూ పోస్ట్స్ చేస్తూ ఉండేది.

నాగ చైతన్య (Naga Chaitanya)మాత్రం ఒక్క మాట మాట్లాడింది లేదు. విడాకులపై కేవలం నాగార్జున మాత్రమే స్పందించారు. ఆయన సమంతను మంచి కోడలిగానే అభివర్ణించారు. చైతన్య, సామ్ విడాకులు బాధాకరం అన్నారు. ఇక వీరి విడాకుల మేటర్ జనాలు మర్చిపోతుండగా శోభిత ధూళిపాళ్లతో డేటింగ్ వార్తలతో మరోమారు తెరపైకి వచ్చింది.

నాగ చైతన్య హీరోయిన్ శోభిత దూళిపాళ్లతో డేటింగ్ చేస్తున్నారని, వీరిద్దరూ తరచుగా కలుసుకుంటున్నారంటూ వార్తలు వచ్చాయి. సమంత పీఆర్ టీం ఈ రూమర్స్ సృష్టించారంటూ ఓ మీడియాలో వచ్చిన కథనాన్ని ట్యాగ్ చేసిన సమంత ఒక విధంగా ఫైర్ అయ్యారు. ఓ అమ్మాయిపై రూమర్స్ వస్తే అవి నిజాలు, అబ్బాయిపై వస్తే వాటి వెనుక అమ్మాయి ఉందంటారా?.. అంటూ ట్వీట్ చేశారు. 

మరోవైపు నాగ చైతన్యతో డేటింగ్ చేస్తుందంటూ వస్తున్న వార్తలకు శోభిత ఘాటు రిప్లై ఇచ్చారు. ఆమె మిడిల్ ఫింగర్ చూపిస్తూ ఓ వీడియో పోస్ట్ చేశారు. ఇక నాగ చైతన్య సైతం మాట్లాడాల్సిన సమయం వచ్చింది. మీడియా ప్రశ్నలకు నాగ చైతన్య సమాధానం చెప్పాల్సి రావచ్చు.

జులై 22న నాగ చైతన్య కొత్త చిత్రం థాంక్ యూ విడుదల కానుంది. ఈ చిత్ర ప్రమోషన్స్ లో ఆయన పాల్గొనాల్సి ఉంది. ఈ క్రమంలో శోభిత దూళిపాళ్లతో డేటింగ్ గురించి మీడియా ఆయన్ని అడగడం ఖాయం. అప్పుడు ఖచ్చితంగా చైతు స్పందించాల్సిన ఉంటుంది. దీనితో ఎంతో కొంత క్లారిటీ వచ్చే సూచనలు కలవు. అలా కాకుండా ఆయన మాటదాటవేస్తే కష్టమే. చూడాలి నాగ చైతన్య మీడియా ప్రశ్నలకు ఎలా స్పందిస్తారో..