Karthika Deepam: మరో బాంబు పేల్చిన శోభ.. హిమకు క్యాన్సర్ లేదని తెలుసుకున్న స్వప్న!
Karthika Deepam: బుల్లితెరపై ప్రసారమవుతున్న కార్తీకదీపం (Karthika Deepam) సీరియల్ కుటుంబ కథా నేపథ్యం లో కొనసాగుతూ ప్రేక్షకులను బాగా ఆకట్టుకుంటుంది. ఇక ఈ రోజు జులై 12వ తేదీ ఎపిసోడ్ లో ఏం జరిగిందో తెలుసుకుందాం.
ఈరోజు ఎపిసోడ్ ప్రారంభంలోనే... జ్వరం నుంచి కోలుకున్న శౌర్య నేను ఎక్కడ ఉన్నాను.. ఇది ఎవరి ఇల్లు అని అనుకుంటుండంగా అప్పుడే సౌందర్య, ఆనంద్ రావు, హిమ ముగ్గురు వస్తారు. మీరు ఏంటి ఇక్కడ ఉన్నారు అంటే అని అడిగితే నువ్వే మా ఇంటికి వచ్చావ్ శౌర్య అని సౌందర్య అంటుంది. నేను ఇక్కడకు రావడం ఏంటి అని శౌర్య అనడంతో నీకు ఫుల్ గా జ్వరం వచ్చింది హిమ ట్రీట్మెంట్ చేసి నిన్ను ఇక్కడకు తీసుకొచ్చింది అని చెప్తుంది.
నాకు ట్రీట్మెంట్ ఎవరు చెయ్యమన్నారు.. ఇక్కడకు ఎవరు తీసుకురమ్మన్నారు అని శౌర్య అంటే అలా అంటావ్ ఏంటి.. హిమ నువ్వు కవలలు. మీకు రక్తసంబంధం ఉంది అంటే శౌర్య సీరియస్ అవుతుంది. నాకు ఎవరితో సంబంధం లేదు అని అంటుంది. నేను ఎవరో మీరు ఎవరో అని వెళ్లిపోతుంటే సౌందర్య ఆపుతుంది. నీకు రాత్రి అంత సేవ చేస్తూనే ఉంది.. నీకు ఒక చెల్లిలా, అమ్మలా సేవ చేసింది అని చెప్తుంది.
హిమ వల్ల నా జీవితం మొత్తం పోయింది.. నా ప్రేమ పోయింది. హిమ మోసం చేసింది, మీరు నన్ను మోసం చేశారు అని శౌర్య అంటుంది. హిమ మాట్లాడటానికి ప్రయత్నించినా శౌర్య సీరియస్ అవుతుంది. సౌందర్య చెప్పడానికి ప్రయత్నిస్తే శౌర్య దండం పెట్టి మీరు ఏం చెప్పిన నేను నమ్మను అని అంటుంది. నా ప్రేమ నా జీవితం హిమ వల్ల మారిపోయింది. మా అమ్మ నాన్నలను బలి తీసుకుంది.. నా జీవితాన్ని నాశనం చేసింది అలాంటిదాన్ని నేను క్షమించాలా అని అడుగుతుంది.
సౌందర్య సీరియస్ అవుతూ కోపాలు, పగలు అన్ని సహజమే.. కానీ బంధలు సహజం. అమ్మానాన్నలను పోగొట్టుకున్న నువ్వే అంత ఫీల్ అవుతే నా కొడుకు, కోడలు పోయారు.. నేను ఎంత బాధ పడాలి అని సీరీయస్ అవుతుంది. ఇప్పుడైనా మా కళ్ళ ముందు ఉండు అమ్మ అని ఆనంద్ రావు అంటే కూడా వినకుండా వెళ్తే అప్పుడు అతను కార్తీక్, దీప ఫోటోలు చూపిస్తూ కన్నీళ్లు పెడుతాడు. ఆనంద్ రావు మాటలు విన్నపుడు శౌర్య కాస్త మారి ఇక్కడే ఉంటాను అని మాట ఇస్తుంది.
నేను వెళ్లి నా లగేజ్ తెచ్చుకుంటాను అని వెళ్తుంది. ఇక్కడకు వచ్చాను కదా అని మారిపోతా అని అనుకోకండి.. నేను మారాను, నా కోపం తగ్గదు. ఇక్కడ కూడా ఆటో నడుపుతాను నా జీవితం నాది. కేవలం ఇక్కడ నేను ఉంటాను అని శౌర్య చెప్తుంది. ఆతర్వాత సీన్ లో ఇంకా ఒక్క కోరిక మిగిలి ఉంది.. నిరుపమ్ బావను శౌర్యను కలిపాలి అని అంటుంది. ఆతర్వాత సీన్ లో చంద్రడు, ఇంద్రుడు హిమ చాల మంచిది అని అనుకుంటారు. జ్వాలను చూడకుండా ఉండలేకపోతున్నాం అని బాధపడుతారు. చంద్రమ్మకు కడుపు నొప్పి ఎక్కువ అవుతుంది.
మరో సీన్ లో స్వప్న దగ్గరకు శోభ వచ్చి నాకు నిరుపమ్ కావాలి అని అంటుంది. హిమతో పెళ్లి తర్వాత అది పోయాక కావాలంటే నీకు తనకు పెళ్లి చేస్తా అని స్వప్న చెప్తుంది. అప్పుడు శోభ మాట్లాడుతూ హిమ గురించి ఒక విషయం తెలియదు అంటే హిమ క్యాన్సర్ లేదని ఉన్న ఫేక్ రిపోర్ట్స్ ఇచ్చి వెళ్తుంది. అది చూసిన స్వప్న చాలా సీరియస్ గా ఆ రిపోర్ట్స్ ను పడేస్తుంది. మరో వైపు శౌర్య గురించి తలుచుకుంటూ హిమ దేవుడిని ప్రార్థిస్తుంటుంది. అక్కడితో ఎపిసోడ్ పూర్తవుతుంది. మరి రేపటి భాగంలో ఏం జరుగుతుందో చూడాలి.