హాట్ గా తయారై చీకటి గదిలో నభా విరహ వేదన... అప్పుడప్పుడు గుండెల్లో ఆ అలజడి అంటూ!

హీరోయిన్ నభా నటేష్ గుండెల్లో అలజడి మొదలైందట. అప్పుడప్పుడు మనసులో గుబులవుతుందట. హిందీలో ఒక రొమాంటిక్ కోట్ వదిలిన ఆమె, అంతకు మించిన రొమాంటిక్ ఫోటోలు షేర్ చేసింది. నభా లేటెస్ట్ లుక్ వైరల్ గా మారింది. 
 

నభా టైం బాగోలేదు. ఆమె సిల్వర్ స్క్రీన్ పై కనిపించి చాలా రోజులు అవుతుంది. ఆమెకు ఆఫర్స్ రావడం లేదు.కనీసం ఫోటో షూట్స్ చేస్తూ సోషల్ మీడియా వేదికగా ఫ్యాన్స్ కి అందుబాటులో ఉంటున్నారు.అయితే ఈ గ్యాప్ కి చిన్న ప్రమాదం కారణమంటూ ఇటీవల వెల్లడించారు. ఆ ప్రమాదంలో ఆమె ఎడమ భుజం ఫ్రాక్చర్ అయ్యిందట. దానికి పలు సర్జరీలు జరిగాయట. 

గాయం కారణంగా మానసిక, శారీరక ఒత్తిడికి గురయ్యానని నభా సుదీర్ఘ సందేశం పోస్ట్ చేశారు. నభా పరిస్థితి తెలుసుకున్న ఫ్యాన్స్ బాధపడ్డారు. ఆమె కమ్ బ్యాక్ కావాలని తిరిగి సినిమాల్లో నటించాలని కోరుకున్నారు. ప్రస్తుతం ఆమె చేతిలో చిత్రాలు లేవు. 2021లో విడుదలైన మ్యాస్ట్రో మూవీ తర్వాత ఆమె కొత్త ప్రాజెక్ట్ ప్రకటించలేదు. నితిన్ హీరోగా తెరకెక్కిన మ్యాస్ట్రో హాట్ స్టార్ లో నేరుగా విడుదల చేశారు. 

ఇక నభా కెరీర్ లో ఇస్మార్ట్ శంకర్ సూపర్ హిట్ మూవీగా ఉంది. 2019లో విడుదలైన ఈ చిత్రం రూ. 75 కోట్ల వరల్డ్ వైడ్ గ్రాస్ రాబట్టింది. పూరి జగన్నాధ్ కాంబినేషన్ లో రామ్ హీరోగా విడుదలైన ఇస్మార్ట్ శంకర్ అందరికీ ఊపిరి పోసింది. ఇస్మార్ట్ శంకర్ మూవీతో వచ్చిన ఆనందం ఆమెకు ఎంతో కాలం నిలవలేదు. వరుస ప్లాప్స్ తో డీలా పడింది. అనేక అంచనాల మధ్య విడుదలైన డిస్కో రాజా దారుణమైన ఫలితం అందుకుంది. ఇక సోలో బ్రతుకే సో బెటర్ యావరేజ్ టాక్ తెచ్చుకోగా సంక్రాంతి రిలీజ్ అల్లుడు అదుర్స్ ప్లాప్ ఖాతాలో చేరిపోయింది. 
 

కనీసం టైర్ టు హీరోలు కూడా ఆమెను పట్టించుకోవడం లేదు. ఐరన్ లెగ్ ఇమేజ్ వస్తే పోగొట్టుకోవడం కష్టం. హిట్ చుట్టూ తిరిగే పరిశ్రమలో ఇన్ని ప్లాప్స్ తో నెట్టుకు రావడం కష్టమే. తన కంటే వెనకొచ్చిన కన్నడ భామలు కృతి శెట్టి, శ్రీలీల దూసుకుపోతుండగా నభా మాత్రం ఆఫర్స్ కోసం ఎదురు చూడాల్సిన పరిస్థితి ఏర్పడింది. సక్సెస్ దక్కినోళ్లకే పరిశ్రమలో స్థానం ఉంటుంది మరీ.