నా కూతురికి పెళ్లి చేయను... డైరెక్టర్ తేజ షాకింగ్ కామెంట్స్!
దర్శకుడు తేజకు ముక్కుసూటి మనిషనే పేరుంది. కుండబద్దలు కొట్టినట్లు మాట్లాడే దర్శకుడు తేజ ఆలోచనలు కూడా భిన్నంగా ఉన్నాయి. ఆయన తన కూతురికి పెళ్లి చేయనని చెప్పడం ఆసక్తిరేపుతోంది.
దర్శకుడు తేజ లేటెస్ట్ మూవీ అహింస. దగ్గుబాటి రానా తమ్ముడు అభిరామ్ హీరోగా పరిచయం అవుతున్నాడు. అహింస జూన్ 2న విడుదల కానుంది. ఈ చిత్ర ప్రమోషన్స్ లో పాల్గొంటున్న తేజ ఆసక్తికర కామెంట్స్ చేశారు.
తేజ కొడుకు హీరోగా పరిచయం అవుతున్నాడని ప్రచారం జరుగుతుంది. ఈ విషయాన్ని అడగ్గా... మా అబ్బాయి డైరెక్షన్ కోర్స్ పూర్తి చేశాడు. తనను త్వరలో హీరోగా పరిచయం చేస్తాను అన్నాడు. అంటే ప్రచారం అవుతున్న వార్తలు నిజమే అని ఆయన క్లారిటీ ఇచ్చారు.
ఇక కూతురిని ఉద్దేశిస్తూ కొన్ని బోల్డ్ కామెంట్స్ చేశారు. మా అమ్మాయి విదేశాల్లో చదువు పూర్తి చేసుకొని వచ్చింది. తనకు నేను పెళ్లి చేయను. నచ్చిన వాడిని రిజిస్టర్ మ్యారేజ్ చేసుకోమని చెప్పాను. తర్వాత అందరికీ భోజనాలు పెడదాం అన్నాను. పెళ్లయ్యాక భర్త నచ్చకపోతే విడాకులు తీసుకోమని చెప్పాను. మనం సంతోషంగా బ్రతకడం ముఖ్యం. జనాలు ఏమనుకుంటున్నారు అనేది అనవసరమని పిల్లలకు చెప్పినట్లు తేజా వెల్లడించారు.
కూతురు పెళ్లి గురించి ఇంత భిన్నంగా ఆలోచించే తండ్రి మరొకరు బహుశా ఉండరేమో. అలాగే హీరో ఉదయ్ కిరణ్ డెత్ పైన కూడా ఆయన ఆసక్తికర కామెంట్స్ చేశారు. ఉదయ్ కిరణ్ ఎందుకు ఆత్మహత్య చేసుకున్నాడో అందరికీ తెలుసు. కానీ నా నోటి నుండి చెప్పించాలని ప్రయత్నం చేస్తున్నారని అన్నారు.
ఇక తేజ భారీ హిట్ కొట్టి చాలా కాలం అవుతుంది. హీరో రానాతో చేసిన నేనే రాజు నేనే మంత్రి పర్లేదు అనిపించుకుంది. అహింసతో ఆయన ఎలాంటి ఫలితం అందుకుంటారో చూడాలి. కెరీర్ బిగినింగ్ లో తేజ కొత్తవాళ్లతో బ్లాక్ బస్టర్స్ నమోదు చేశారు.