అమలాపాల్ నిజంగానే రెండో పెళ్లి చేసుకుందా.. మాజీ ప్రియుడి బెయిల్ పిటిషన్ ఇప్పుడు హాట్ టాపిక్ ?

అదిరిపోయే అందంతో ఆకట్టుకునే అమలాపాల్ ప్రస్తుతం కెరీర్ ని వైవిధ్యంగా కొనసాగిస్తోంది. గ్లామర్ రోల్స్ పక్కన పెట్టి బలమైన కథలకు ప్రాధాన్యత ఇస్తోంది.  గతంలో కంటే ప్రస్తుతం అమలాపాల్ క్రేజ్ పెరిగింది. అందుకు కారణం ఆమె వైవిధ్యమైన కథలు ఎంచుకోవడమే. బోల్డ్ గా నటిస్తూ అందరిని ఆశ్చర్యానికి గురి చేస్తోంది.   

అమలాపాల్ లో ఈ మార్పు ఆమె వ్యక్తిగత జీవితంలో ఎదురైన ఒడిదుడుకులతోనే మొదలైంది. అమలాపాల్ సినిమాలతో పాటు వ్యక్తిగత వ్యవహారాలతో కూడా వార్తల్లో నిలుస్తున్న సంగతి తెలిసిందే. 2014లో అమలాపాల్ దర్శకుడు ఏ ఎల్ విజయ్ ని వివాహం చేసుకోగా విభేదాల కారణంగా వీరిద్దరూ విడిపోయారు. ఆ తర్వాత అమలాపాల్ తన సినిమాలతో బిజీ అయిపోయింది. 

ప్రస్తుతం సింగిల్ గానే ఈ హాట్ బ్యూటీ ఉంటోంది. ఇటీవల అమలాపాల్ తన మాజీ ప్రియుడు భవీందర్ పై లైంగిక వేధింపుల కేసు నమోదు చేసిన సంగతి తెలిసిందే. భవీందర్ సింగర్ గా రాణిస్తున్నారు. అమలాపాల్ ఎఎల్ విజయ్ నుంచి విడిపోయాక భవీందర్ తో ప్రేమలో పడింది. ప్రస్తుతం అతడి నుంచి కూడా విడిపోయింది. 

భవీందర్ తనని లైంగికంగా వేధిస్తున్నాడు అంటూ అమలాపాల్ కేసు నమోదు చేయడంతో పోలీసులు అతడిని అరెస్ట్ చేశారు. ప్రస్తుతం భవీందర్ బెయిల్ పిటిషన్ దాఖలు చేశాడు. ఇప్పుడు ఆ బెయిల్ పిటిషన్ హాట్ టాపిక్ గా మారింది. 2020లో అమలాపాల్ భవీందర్ ని రెండో వివాహం చేసుకున్నట్లు ఫోటోలు బయటకి వచ్చాయి. అయితే అది కేవలం ఫోటో షూట్ మాత్రమే అని అమలాపాల్ అప్పట్లో తెలిపింది. 

కానీ తాజాగా భవీందర్ తనకి అమలాపాల్ తో ఐదేళ్ల క్రితం అంటే 2017లోనే వివాహం జరిగింది అని అందుకు సంబంధించిన సాక్ష్యాలని పిటిషన్ లో పొందుపరిచాడు. దీనితో భవీందర్ కి కోర్టు బెయిలు మంజూరు చేసింది. 

అంటే భవీందర్ తో అమలాపాల్ రెండో వివాహం నిజంగానే జరిగిందా అంటూ నెట్టింట చర్చ మొదలైంది. తన రెండో వివాహం గురించి అమలాపాల్ ఎక్కడా ప్రస్తావించకపోవడానికి కారణం ఏంటి అంటూ నెటిజన్ల మధ్య హాట్ హాట్ గా చర్చ జరుగుతోంది. ఒక వేళ ఈ వివాదం మరింత ముదిరితే అమలాపాల్ స్వయంగా క్లారిటీ ఇవ్వాల్సి ఉంటుంది.