ప్రియుడు విఘ్నేష్‌తో ఎంగేజ్‌మెంట్‌.. లేట్‌గా రివీల్‌ చేసి షాకిచ్చిన లేడీ సూపర్‌స్టార్‌ నయనతార
నయన్‌ చేతి వేలికి రింగ్‌ కూడా కనిపించడంతో ఎంగేజ్‌మెంట్‌ వార్తలు గుప్పుమన్నాయి. అయితే ఇప్పటి వరకు దీనిపై అటు నయన్‌గానీ, విఘ్నేష్‌ గానీ స్పందించలేదు. తాజాగా రివీల్‌ చేశారు.
లేడీ సూపర్‌ స్టార్‌ నయనతార ఎట్టకేలకు తన ప్రియుడితో ఎంగేజ్‌మెంట్‌ విషయాన్ని వెల్లడించింది. ఆ మధ్య తమిళ దర్శకుడు విఘ్నేష్‌ శివన్‌, నయనతార ఎంగేజ్‌మెంట్‌ చేసుకున్నారని వార్తలొచ్చిన విషయం తెలిసిందే. నయన్‌ చేతి వేలికి రింగ్‌ కూడా కనిపించడంతో ఎంగేజ్‌మెంట్‌ వార్తలు గుప్పుమన్నాయి. అయితే ఇప్పటి వరకు దీనిపై అటు నయన్‌గానీ, విఘ్నేష్‌ గానీ స్పందించలేదు. దీంతో ఈ వార్తలు సస్పెన్స్ గానే మిగిలిపోయాయి.
ఈ నేపథ్యంలో ఎట్టకేలకు ఈ లేడీ సూపర్‌ స్టార్‌ రివీల్‌ చేసింది. తనకు విఘ్నేష్‌తో నిశ్చితార్థమైందని వెల్లడించింది. తమిళంలో ఓ ప్రముఖ టీవీ ఛానెల్‌ టాక్‌ షోలో ఆమె పాల్గొన్నారు. ఇందులో తన ఎంగేజ్‌మెంట్‌ గురించి చెప్పింది నయనతారం. తన వేలికి ఉన్న ఉంగరాన్ని చూపిస్తూ.. `ఇది నా ఎంగేజ్‌మెంట్‌ రింగ్‌` అని స్పష్టం చేసింది. చాలా రోజులుగా నయనతార వేలికి ఆ రింగ్‌ ఉండటంతో వీరి ఎంగేజ్‌మెంట్‌ జరిగి చాలా రోజులే అవుతుందని తెలుస్తుంది.
అదే సమయంలో విఘ్నేష్‌తో ప్రేమ విషయంపై ఏ నాడూ నోరు విప్పలేదు నయనతార. తాజాగా ఈ టాక్‌ షోలో ఆ విషయంపై కూడా క్లారిటీ ఇచ్చేసింది. దీంతో ఇప్పుడు సోషల్‌ మీడియాలో వైరల్ న్యూస్‌గా మారింది. అంతేకాదు త్వరలోనే వీరిద్దరు మూడుముళ్ల బంధంలోకి అడుగుపెడుతున్నారని టాక్‌.
ప్రస్తుతం నయనతారం.. విఘ్నేష్‌ శివన్‌ దర్శకత్వంలో `కాథు వాకుల రెండు కాదల్‌` చిత్రంలో నటిస్తుంది. విజయ్‌ సేతుపతి, సమంత ఇతర ముఖ్య పాత్రధారులు. దీంతోపాటు బాలీవుడ్‌లో షారూఖ్‌ ఖాన్‌తో అట్లీ సినిమాలో హీరోయిన్‌గా ఎంపికైందని సమాచారం. వీటితోపాటు తమిళంలో `నెట్రికన్`, రజనీకాంత్‌ `అన్నాత్తే`, అలాగే మరో సినిమా చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
