శిఖా చౌదరి అదుపులో లేదు, ఆ ఫోటో నిజం కాదు: డిఎస్పీ

జయరామ్ మేనకోడలు శిఖా చౌదరి తమ అదుపులో లేదని  నందిగామ డీఎస్పీ బోస్ చెప్పారు.  జయరామ్ హత్య కేసులో అసలు నిందితులను పట్టుకొన్నట్టుగా ఆయన ప్రకటించారు.

jayaram

నందిగామ: జయరామ్ మేనకోడలు శిఖా చౌదరి తమ అదుపులో లేదని నందిగామ డీఎస్పీ బోస్ చెప్పారు. జయరామ్ హత్య కేసులో అసలు నిందితులను పట్టుకొన్నట్టుగా ఆయన ప్రకటించారు.

సోమవారం నాడు ఆయన ఓ మీడియా ఛానెల్‌కు ఇచ్చిన ఇంటర్వ్యూలో మాట్లాడారు. ఈ కేసులో తాము ఎవరికీ కూడ అనుకూలంగా వ్యవహరించడం లేదని ఆయన చెప్పారు. ఈ కేసులో పోలీసులపై ఎవరి ఒత్తిళ్లు కూడ లేవని చెప్పారు. మీడియాకు సమాచారం ఇచ్చారనే నెపంతో పోలీసులను ఎవరినీ కూడ బదిలీ చేయలేదన్నారు. మరో వైపు శిఖా చౌదరి ఫోటో తమ వద్ద తీసింది కాదని ఆయన చెప్పారు. 

సాధారణ బదిలీల్లో భాగంగానే ట్రాన్స్‌ఫర్స్ చేసినట్టు ఆయన తెలిపారు. ఈ కేసు ముగింపు దశలో ఉందన్నారు. ఈ సమయంలో నిందితుల పేర్లను వెల్లడించలేమన్నారు. ఇవాళ సాయంత్రం లేదా రేపు ఈ కేసు వివరాలను మీడియాకు వివరించనున్నట్టు ఆయన తెలిపారు.

సంబంధిత వార్తలు