బీజేపీలోకి టీడీపీ ఎంపీలు.. మేం ఎవరిని ఆకర్షించలేదు: జీవీఎల్

సారాంశం

వైయస్ జగన్మోహన్ రెడ్డి పట్ల బీజేపీ దోబూచులాడుతుందా అంటే అవుననే సమాధానాలు వస్తున్నాయి. వైయస్ జగన్మోహన్ రెడ్డి ముఖ్యమంత్రిగా ప్రమాణ స్వీకారం చేసి నెల రోజులు కూడా పూర్తి కాలేదు. ఇంతలోనే బీజేపీ జాతీయ నేత, రాజ్యసభ సభ్యుడు జీవీఎల్ నరసింహారావు విమర్శలు స్టార్ట్ చేశారు.

బీజేపీని బలోపేతం చేయడానికి ఇతర పార్టీల నేతలను ఆహ్వానిస్తామని తాము గతంలోనే చెప్పామన్నారు ఆ పార్టీ ఎంపీ జీవీఎల్ నరసింహారావు. తాము ఎవ్వరిని ఆకర్షించలేదని.. మోడీ నాయకత్వం పట్ల ప్రజల్లో ఉన్న ఆదరణ కారణంగానే అనేక పార్టీల నేతలు తమ పార్టీపై చూస్తున్నారని ఆయన స్పష్టం చేశారు.

ఎవరైనా, ఏ నాయకుడైనా బీజేపీలో చేర్చుకుంటామని జీవీఎల్ తేల్చి చెప్పారు. సార్వత్రిక ఎన్నికలకు ముందు అనేక మంది నేతలు బీజేపీలో చేరారని ఆయన గుర్తు చేశారు. రెండు తెలుగు రాష్ట్రాల నుంచి ఎంతో మంది నేతలు బీజేపీ వైపు చూస్తున్నారని జీవీఎల్ తెలిపారు.

కాగా తెలుగుదేశం పార్టీ రాజ్యసభ సభ్యులు సుజనా చౌదరి, సీతారామలక్ష్మీ, గరికపాటి రామ్మోహన్ రావు, సీఎం రమేశ్, టీజీ వెంకటేశ్ కొద్దిసేపట్లో రాజ్యసభ ఛైర్మన్ వెంకయ్య నాయుడును కలిసి.. తమను బీజేపీ అనుబంధ సభ్యులుగా లేదంటే ప్రత్యేకమైన గ్రూపుకు పరిగణించాలని లేఖ ఇవ్వనున్నారు.