మేము ఏ పార్టీలోకి వెళ్లడం లేదు: తోట త్రిమూర్తులు

సారాంశం

thota

తాము ఏ పార్టీలోకి వెళ్లడం లేదన్నారు టీడీపీ సీనియర్ నేత, రామచంద్రాపురం మాజీ ఎమ్మెల్యే తోట త్రిమూర్తులు. గురువారం కాకినాడలో త్రిమూర్తులు అధ్యక్షతన టీడీపీ కాపునేతలు అత్యంత రహస్యంగా సమావేశమయ్యారు.

దీంతో ఏపీ రాజకీయాల్లో అనూహ్య పరిణామలు చోటు చేసుకున్నాయి. వీరంతా టీడీపీని వీడి బీజేపీలోకి చేరేందుకే సమావేశమయ్యారంటూ వార్తలు వచ్చాయి. ఈ క్రమంలో తోట త్రిమూర్తులు స్పందించారు.

తాము ఏ పార్టీలోకి వెళ్లడం లేదని ఆయన స్పష్టం చేశారు. ముఖ్యంగా బీజేపీలోకి వెళ్తున్నామన్న వార్తల్లో నిజం లేదన్నారు. ఓటమిపై సమీక్ష కోసమే అందరం సమావేశమయ్యామని త్రిమూర్తులు తెలిపారు.