జగన్ ప్రభుత్వానికి బాలకృష్ణ చిన్నల్లుడు బంపర్ ఆఫర్

బొత్స సత్యనారాయణ ఆరోపించినట్లు ఆ భూములు తమ ఆధీనంలో ఉన్నాయని నిరూపించాలని సవాల్ విసిరారు. ఆ భూములు తమ ఆధీనంలో ఉన్నాయని తేలితే ప్రభుత్వానికి ఉచితంగా ఇచ్చేస్తానని హామీ ఇచ్చారు శ్రీభరత్.  

బాలకృష్ణ చిన్నల్లుడు శ్రీభరత్ విశాఖపట్నం లోకసభ స్థానం నుంచి పోటీ చేసి వైఎస్సార్ కాంగ్రెసు పార్టీ అభ్యర్థి ఎంవీవీ సత్యనారాయణ చేతిలో 4414 ఓట్ల తేడాతో ఓడిపోయారు. శ్రీభరత్ అభ్యర్థిత్వాన్ని తెలుగుదేశం పార్టీ అధ్యక్షుడు నారా చంద్రబాబు నాయుడు చివరి నిమిషంలో ఖరారు చేశారు. ఆయనకు టికెట్ ఇవ్వడానికి చంద్రబాబు ఇష్టపడలేదు. అయితే, బాలకృష్ణ ఒత్తిడికి ఆయన తలొగ్గక తప్పలేదంటారు.

విశాఖపట్నం: హిందూపురం ఎమ్మెల్యే, సినీనటుడు బాలకృష్ణ చిన్నల్లుడు ఏపీ ప్రభుత్వానికి బంపర్ ఆఫర్ ప్రకటించారు. తమకు సీఆర్డీఏ పరిధిలో భూములు ఉన్నాయని తమపై వైసీపీ చేసిన ఆరోపణలు నిజమని తేలితే ఆ 493 ఎకరాల భూమిని ప్రభుత్వానికి ఇచ్చేస్తామంటూ హామీ ఇచ్చేశారు. 

ఇటీవల రాజధాని అమరావతిలో బాలకృష్ణ వియ్యంకుడు బీఎస్ రామారావుకు 493 ఎకరాల భూమిని చంద్రబాబు కట్టబెట్టారంటూ మంత్రి బొత్స సత్యనారాయణ చేసిన వ్యాఖ్యలపై బాలయ్య చిన్నల్లుడు శ్రీభరత్ మరోసారి ఘాటుగా స్పందించారు. 

సీఆర్డీఏ పరిధిలోని జయంతిపురం భూములపై ఎలాంటి నిర్ణయానికి అయినా తాను సిద్ధమేనంటూ సవాల్ విసిరారు. జయంతిపురంలో తమ పేరిట 493 ఎకరాలు ఉన్నాయంటూ బొత్స చేసిన వ్యాఖ్యలు నిజమని నిరూపించాలని డిమాండ్ చేశారు. 

బొత్స సత్యనారాయణ ఆరోపించినట్లు ఆ భూములు తమ ఆధీనంలో ఉన్నాయని నిరూపించాలని సవాల్ విసిరారు. ఆ భూములు తమ ఆధీనంలో ఉన్నాయని తేలితే ప్రభుత్వానికి ఉచితంగా ఇచ్చేస్తానని హామీ ఇచ్చారు శ్రీభరత్.

ఇకపోతే ఇటీవలే అమరావతి భూముల్లో చంద్రబాబు నాయుడు బినామీలు, బంధువులు పెద్ద ఎత్తున అవకతవకలకు పాల్పడ్డారంటూ బొత్స సత్యనారాయణ ఆరోపించారు. బాలకృష్ణ వియ్యంకుడికి చంద్రబాబు 493 ఎకరాల భూమిని ఏపీఐఐసీ కింద ఎకరం లక్ష రూపాయలకే కారు చౌకగా కట్టబెట్టేశారని ఆరోపించారు. 

తిరిగి ఆ భూములను సీఆర్డీఏ పరిధిలోకి తీసుకువచ్చారని ఇదంతా ఒక ప్లాన్ ప్రకారం జరిగిందని ఆరోపించారు. సీఆర్డీఏ పరిధి భూముల్లో ఇన్ సైడర్ ట్రేడర్ జరిగిందనడానికి ఇలాంటి ఉదాహరణలే నిదర్శనమన్నారు.

ఈ వార్తలు కూడా చదవండి