కరీంనగర్ కుమార్ అనుమానాస్పద మృతిలో ట్విస్ట్

అక్టోబర్ 9వ తేదీన  కరీంనగర్ జిల్లాలో అనుమానాస్పదస్థితిలో  గడ్డం కుమార్‌ మృతి చెందిన ఘటనపై  పోలీసులు దర్యాప్తును ముమ్మరం చేశారు

kumar

కరీంనగర్: అక్టోబర్ 9వ తేదీన కరీంనగర్ జిల్లాలో అనుమానాస్పదస్థితిలో గడ్డం కుమార్‌ మృతి చెందిన ఘటనపై పోలీసులు దర్యాప్తును ముమ్మరం చేశారు. ఈ ఘటనకు రెండు మూడు రోజుల్లో పూర్తి వివరాలను పోలీసులు వెల్లడించే అవకాశం ఉంది.

శంకరపట్నం మండలంలోని తాడికల్ గ్రామానికి చెందిన గడ్డం కుమార్‌ను ప్రియురాలు కుటుంబసభ్యులు హత్య చేశారని మృతుడి కుటుంబసభ్యులు ఆరోపిస్తున్నారు. కుమార్ అదృశ్యమయ్యాడని పోలీసులకు ఫిర్యాదు చేసినా పట్టించుకోలేదని పోలీసులపై కుమార్ కుటుంబసభ్యులు తీవ్రమైన ఆరోపణలు కూడ చేశారు.

కుమార్‌ది పరువు హత్య అంటూ కుటుంబ సభ్యులు ఆరోపణలు చేశారు. కుమార్ మృతి చెందాడనే విషయం తెలుసుకొన్నకుటుంబసభ్యులు పోలీసు వాహనంపై కూడ ఆ రోజు దాడికి పాల్పడ్డారు. ఈ ఘటనపై కరీంనగర్ సీపీ కమలాసన్ రెడ్డి విచారణ కమిటీని ఏర్పాటు చేశారు. ఈ కమిటీ అన్ని కోణాల్లో ఈ కేసును దర్యాప్తు చేస్తోంది.

ఈ విచారణ కమిటీ విచారణలో కొన్ని ఆసక్తికర విషయాలు వెలుగు చూశాయనే సమాచారం. ఈ ఘటనకు సంబంధించి అనుమానితులను ప్రశ్నించిన సమయంలో పోలీసులకు కొన్ని విషయాలు తెలిశాయని ప్రచారం సాగుతోంది.ఈ ఘటనకు సంబంధించి పోస్ట్‌మార్టం నివేదికతో పాటు శాస్త్రీయంగా కుమార్ అనుమానాస్పద మృతి కేసును చేధించేందుకు పోలీసులు ప్రయత్నిస్తున్నారు. 

మృతదేహం బోర్లాపడి ఉండడం.... కుమార్ అదృశ్యమైన రోజున ప్రియురాలి కుటుంబసభ్యులు గొడవకు దిగారని కుటుంబసభ్యులు ఆరోపిస్తున్నారు. వీటన్నింటిని దృష్టిలో ఉంచుకొని పోలీసులు విచారణ చేస్తున్నారు. 

సంబంధిత వార్తలు