తెలంగాణలో మరో పరువు హత్య: యువకుడిని చంపిన అమ్మాయి బంధువులు

కరీంనగర్ జిల్లాలో పరువు హత్య  చోటు చేసుకొంది.శంకరపట్నం మండలం తాడికల్‌లో కుమార్ అనే వ్యక్తిని ప్రియురాలి తరపు బంధువులు కొట్టి చంపారని కుటుంబసభ్యులు ఆరోపిస్తున్నారు.

Kumar

కరీంనగర్: కరీంనగర్ జిల్లాలో పరువు హత్య చోటు చేసుకొంది.శంకరపట్నం మండలం తాడికల్‌లో కుమార్ అనే వ్యక్తిని ప్రియురాలి తరపు బంధువులు కొట్టి చంపారని కుటుంబసభ్యులు ఆరోపిస్తున్నారు.

శంకరపట్నం మండలం తాడికల్ గ్రామానికి చెందిన కుమార్ అదే గ్రామానికి చెందిన ఓ అమ్మాయిని ప్రేమిస్తున్నాడు.దీంతో ఈ విషయం నచ్చని అమ్మాయి కుటుంబసభ్యులు కుమార్‌పై దాడి చేసి కొట్టిచంపారని మృతుడి కుటుంబసభ్యులు ఆరోపిస్తున్నారు. 

ప్రియురాలు కుటుంబసభ్యులే ఈ హత్య చేశారని ఆరోపిస్తూ ఆందోళనకు దిగారు. మంగళవారం నాడు హూజూరాబాద్ రోడ్డుపై బైఠాయించి కుటుంబసభ్యులు ఆందోళన నిర్వహించారు. దీంతో ట్రాఫిక్‌కు తీవ్ర అంతరాయమేర్పడింది.

మరోవైపు కుమార్‌ను కాపాడలేకపోయారని ఆరోపిస్తూ పోలీసుజీపును గ్రామస్థులు ధ్వంసం చేశారు. ఇదిలా ఉంటే నల్గొండ జిల్లా మిర్యాలగూడలో ప్రణయ్ ను అతని మామా మారుతీరావు హత్య చేయించిన ఘటన రాష్ట్ర వ్యాప్తంగా సంచలనం సృష్టించింది. 

ఈ ఘటన మరువకముందే హైద్రాబాద్ గోకుల్ థియేటర్ సమీపంలో సందీప్, మాధవిలపై మాధవి తండ్రి మనోహరాచారి దాడి చేశాడు. తాజాగా కరీంనగర్ జిల్లాలో ఈ ఘటన చోటు చేసుకొంది.

సంబంధిత వార్తలు