Depression: డిప్రెషన్ తో బాధపడుతున్నారా..? అయితే వీటిని అస్సలు టచ్ చేయకండి..

Depression: ఈ రోజుల్లో ఒత్తిడితో బాధపడేవారి సంఖ్య ఎక్కువైంది. ఈ ఒత్తిడి ఎన్నో రకాల మానసిక, శరీరక అనారోగ్య సమస్యలకు దారితీస్తుంది. అయితే ఒత్తిడితో బాధపడేవారు కొన్ని రకాల ఆహారాలను ఖచ్చితంగా తింటూ.. మరికొన్నింటినీ పూర్తిగా తీసుకోవడం మానేయాలి.  

Depression: డిప్రెషన్ చాలా చిన్న సమస్యగా కనిపించినప్పటికీ.. ఇది ఎన్నో ప్రాణాంతక రోగాలకు దారితీస్తుంది. అందుకే దీన్ని సకాలంలో గుర్తించి తగిన చికిత్స తీసుకోవాలని నిపుణులు చెబుతున్నారు. కానీ చాలా మంది తామూ డిప్రెషన్ తో బాధపడుతున్నామని తెలుసుకోలేక.. దీన్ని మరింత తీవ్రతరం చేస్తున్నారు. డిప్రెషన్ బారిన పడిన వాళ్లు తమ బాధలను ఇతరులకు అస్సలు చెప్పరు. ఇది ప్రాణాల మీదికి దారితీస్తుందన్న ముచ్చట మీకు తెలుసా..? 

మానసిక ఆరోగ్య నిపుణుల అభిప్రాయం ప్రకారం.. మనం తినే ఆహారం కూడా డిప్రెషన్ తో ముడిపడి ఉంటుందట. అందుకే వీరు కొన్ని రకాల ఆహారాలను తినడం పూర్తిగా తగ్గించి.. మరికొన్నింటినీ తప్పకుండా తినాలని చెబుతున్నారు నిపుణులు. అవేంటో ఇప్పుడు తెలుసుకుందాం..

డిప్రెషన్ తో బాధపడేవారు ప్రాసెస్ చేసిన ఆహారాలను, కెఫిన్ , సిగరేట్, ఆల్కహాల్, అధిక ప్రోటీన్ ఉండే ఫుడ్, తేనె, షుగర్ వంటివి ఆహారాలను మొత్తమే తినకూడదు.

డ్రిపెషన్ నుంచి బయటడాలంటే వీటిని తినండి.. 

ఒమేగా 3 ఫ్యాటీ యాసిడ్లు పుష్కలంగా ఉండే ఆహారాలు శరీరానికి ఎంతో మేలు చేస్తాయి. వీటిని తినడం వల్ల డిప్రెషన్ నుంచి తొందరగా బయపడతారని నిపుణులు చెబుతున్నారు. ఇందుకోసం చేపలను, అవిసె గింజలను, వాల్ నట్స్ ను ఎక్కువగా తింటూ ఉండాలి. 

చిలగడ దుంప, క్యారెట్లు, బంగాళాదుంపలు, బియ్యంలో కార్బోహైడ్రేట్లు ఎక్కువ మొత్తంలో ఉంటాయి. వీటిని తినిడం వల్ల మానసిక పరిస్థితి మెరుగుపడుతుంది. అలాగే పాజిటీవ్ థాట్స్ వచ్చేలా బ్రెయిన్ కు సహాయపతాయి. అందుకే డిప్రెషన్ తో బాధపడేవారు వీటిని ఎక్కువగా తింటూ ఉండాలని నిపుణులు సలహానిస్తున్నారు. 

ట్రిప్టోఫాన్ పుష్కలంగా ఉండే ఆహారాలను తిన్నా మంచి ఫలితం ఉంటుంది.  ఇందుకోసం పొద్దుతిరుగుడు విత్తనాలను, గుమ్మడి విత్తనాలను, ఆకు పచ్చకూరగాయలను, గోధుమలు, గింజలు, తృణధాన్యాలు వంటివి ఎక్కువగా తీసుకోవాలి. ఇవి ఒత్తిడిని, ఆందోళనను, డిప్రెషన్ ను తగ్గించడంలో ఎఫెక్టీవ్ గా పనిచేస్తాయి.