ముద్దు వ్యాధి గురించి మీకు ఈ విషయాలు తెలుసా?

ఈ కిస్సింగ్ డిసీజ్ గురించి తెలిసిన వాళ్లు చాలా తక్కువే. కానీ దీని బారిన ఎంతో మంది పడుతున్నారు. అసలు ఈ వ్యాధి ఎందుకు వస్తుందో తెలుసుకుంటే.. దీని నుంచి దూరంగా ఉండొచ్చు.  

Image: Getty Images

మోనోన్యూక్లియోసిస్ అనే వ్యాధినే ముద్దు వ్యాధి అని అంటారు. ఈ వ్యాధి లాలాజలం ద్వారా ఒకరి నుంచి ఒకరికి వ్యాపిస్తుంది. ఇది  ఎస్ప్టీనన్ బార్ వైరస్ వల్ల వస్తుంది. ఇది ముద్దులు పెట్టుకుంటే వస్తుంది. అందుకే దీనికి ముద్దు వ్యాధి అనే పేరు వచ్చింది. అయితే ఈ మోనో ఉన్నవారి వస్తువులను అంటే వారు తాగినా గ్లాస్, ఆహార పదార్థాలను వాడినా ఈ వైరస్ మీకు సోకుతుంది. అయితే ఈ వ్యాధి సాధారణ జలుబు మాదిరిగా అంటువ్యాధి అయితే కాదని నిపుణులు అంటున్నారు.

తీవ్రమైన ఇన్ఫెక్షనా? 

నిజం చెప్పాలంటే ఈ వ్యాధి అంత ప్రమాదకరమైంది కాదు. తీవ్రమైన అనారోగ్యమూ కాదు. కానీ మీకు కొన్ని సమస్యలు కలగొచ్చు. ఇంకోవిషయం ఏంటంటే.. దీన్నిసకాలంలో తగ్గించకపోతే ఇది ప్రమాదకరమైన అనారోగ్య సమస్యలకు దారితీస్తుంది. ఈ వైరస్ సోకిన వారు కొన్ని వారాల పాటు ఎలాంటి పనులను చేయలేరు. ఈ వ్యాధి లక్షణాలు తేలికపాటి నుంచి తీవ్రమైనవిగా ఉంటాయని నిపుణులు అంటున్నారు. 

లక్షణాలు

గొంతునొప్పి
అలసట
జ్వరం
మెడ,చంకలలో శోషరస కణుపుల వాపు
చర్మంపై దద్దుర్లు
టాన్సిల్స్ ఉబ్బడం
తలనొప్పి
జ్వరం

ముద్దు వ్యాధి ప్రమాదం ఎవరికి ఎక్కువగా ఉంటుంది? 

నిపుణుల ప్రకారం.. ఈ వ్యాధి పిల్లలలో పాటుగా యుక్తవయసు వారికి వచ్చే అవకాశం ఎక్కువగా ఉంది. అయితే చిన్న పిల్లలకు ఈ వ్యాధి ఉన్నట్టు ఎలాంటి లక్షణాలు కనిపించకపోవచ్చు. కానీ టీనేజర్లు, 20 ఏండ్లు ఉన్నవారికి తీవ్రమైన మోనో లక్షణాలు కనిపిస్తాయి. ఏదేమైనా వయసుతో సంబంధం లేకుండా ఈ వ్యాధి బారిన పడే అవకాశం ఉందని నిపుణులు అంటున్నారు. 

దీన్ని ఎలా నివారించాలి? 

ముద్దు ద్వారా లాలాజలం మార్పిడి అవుతుంది. ఇది ఎన్నో వ్యాధులకు దారితీస్తుంది. ముఖ్యంగా దీనివల్ల ముద్దు వ్యాధి వచ్చే అవకాశం ఉంది. ఈ వ్యాధి రాకూడదంటే ముద్దు పెట్టుకోకుండా ఉండటమే మంచిది. అలాగే మీకు ముద్దు వ్యాధి ఉన్నట్టు అనిపించినా.. జ్వరం ఉన్నా.. మీరు వాడే గ్లాసులు, పాత్రలను, ఆహారాలను ఇతరులతో పంచుకోకండి. దీంతో వైరస్ ఇతరులకు వ్యాపించదు. ముఖ్యంగా చేతులను తరచుగా శుభ్రం చేసుకుంటూ ఉండాలి. 

కోలుకోవాలంటే? 

ముద్దు వ్యాధి లక్షణాలు మీలో కనిపిస్తే వెంటనే హాస్పటల్ కు వెళ్లడం మంచిది. మందులను వాడండి. అలాగే ఎక్కువ విశ్రాంతి తీసుకోండి. ద్రవాలను ఎక్కువగా తాగండి. అయితే చాలా మంది ఈ ముద్దు వ్యాధి నుంచి రెండు నుంచి నాలుగు వారాల్లో కోలుకుంటారు. అయినప్పటికీ కొంతమందికి కొన్ని వారాల పాటు అలసటగా అనిపిస్తుంది. చాలా తక్కువ సందర్భాల్లో ఈ వ్యాధి లక్షణాలు 6 నెలలు లేదా అంతకంటే ఎక్కువ కాలమే ఉండొచ్చు.