మిగిలిపోయిన అన్నం తింటే ఏమైతదో తెలుసా?

అన్నాన్ని పరబ్రహ్మ స్వరూపం అంటారు. అందుకే చాలా మంది అన్నాన్ని వేస్ట్ చేయరు.  రాత్రి మిగిలిన అన్నాన్ని కూడా తింటుంటారు. అయితే అన్నాన్ని సరిగ్గా నిల్వ చేయకుండా తింటే మాత్రం వాంతులు , మోషన్స్ తో పాటుగా ఎన్నో సమస్యలు వస్తాయి తెలుసా?  

మన దేశంలో చాలా మంది మూడు పూటలా అన్నాన్నే తింటుంటారు. ఎక్కడో కొంతమంది మాత్రమే ఒకపూట లేదా రెండు పూటల మాత్రమే బియ్యాన్ని తింటారు. మన శరీరాన్ని పోషించడానికి, రోజంతా మనకు శక్తినివ్వడానికి బియ్యం ఎంతగానో సహాయపడతాయి. వీటిలో పోషకాలు పుష్కలంగా ఉంటాయి. అయితే మనలో చాలా మంది మిగిలిపోయిన అన్నాన్ని తింటుంటారు. ఇలా తినడంలో తప్పేం లేదు. కానీ దీన్ని సరిగ్గా నిల్వ చేయకపోయినా.. మళ్లీ సరిగ్గా వేడిచేయకపోయినా కడుపు నొప్పి, ఫుడ్ ఫాయిజన్ వంటి సమస్యలు వస్తాయి తెలుసా? 

ఫ్రైడ్ రైస్ సిండ్రోమ్

అన్నం వండిన తర్వాత మిగిలిపోయిన అన్నాన్ని గంటల తరబడి లేదా రాత్రిపూట గది ఉష్ణోగ్రత వద్ద ఉంచితే ఎలాంటి సమస్యా ఉండదు. కానీ ఇలా ఎక్కువ గంటలు అన్నం ఉండటం వల్ల బ్యాక్టీరియా అన్నాన్ని కలుషితం చేస్తుంది. అంతేకాదు దీనిలో బ్యాక్టీరియా సంఖ్య బాగా పెరిగిపోతుంది. దీన్నే ఫ్రైడ్ రైస్ సిండ్రోమ్ అంటారు. 

rice

బియ్యంలో ఏ బ్యాక్టీరియా ఉంటుంది

బియ్యంలో బాసిల్లస్ సెరియస్ అనే బ్యాక్టీరియా ఉంటుంది. ఇది బీజాంశాలు ఏర్పడే బ్యాక్టీరియం. ఈ బ్యాక్టీరియా కలుషితమైనప్పుడు ఆహారంలో పెరుగుతుంది. ఆహారం విషయంగా మారేందుకు కారణమయ్యే విషాన్ని ఉత్పత్తి చేస్తుంది.  

మళ్లీ వేడిచేయడం

పిండి పదార్థాల్లో బి.సెరియస్ ఉత్పత్తి చేసే విషం వేడికి కూడా పోదు. అందుకే తినడానికి ముందు మిగిలిపోయిన అన్నాన్ని మళ్లీ వేడి చేసినా కూడా ఈ బ్యాక్టీరియా చనిపోదు. అంతేకాదు ఫుడ్ పాయిజనింగ్ ప్రమాదం కూడా ఉంది. ఈ ప్రమాదం ఒక్క బియ్యానికి మాత్రమే వర్తించదు. ఏ ధాన్యానైనా సరే సరిగ్గా నిల్వ చేయకపోతే, తిరిగి వేడి చేయకపోతే దీనిలో బ్యాక్టీరియా ఉంటుంది. 

మిగిలిపోయిన అన్నాన్ని సరిగ్గా ఎలా నిల్వ చేయాలి? 

అన్నం 40 డిగ్రీల నుంచి 140 డిగ్రీల ఫారెన్ హీట్ (4 డిగ్రీల నుంచి 60 డిగ్రీల సెల్సియస్) మధ్య ఉష్ణోగ్రతలో రెండు గంటలకు మించి ఉంటే బ్యాక్టీరియా చాలా త్వరగా పెరుగుతుంది. అందుకే మీరు అన్నాన్ని గది ఉష్ణోగ్రత వద్ద రెండు గంటలకు మించి పెట్టకూడదు. గది ఉష్ణోగ్రత 90 డిగ్రీల ఫారెన్హీట్ లేదా 32 డిగ్రీల సెల్సియస్ కంటే ఎక్కువగా ఉంటే ఒక గంట కంటే ఎక్కువ పెట్టకూడదు. మిగిలిపోయిన అనాన్ని ఫుడ్ పాయిజనింగ్ కలిగించే బ్యాక్టీరియా నుంచి రక్షించడానికి అన్నం వేడిగా లేనప్పుడు రిఫ్రిజిరేటర్ లో కంటైనర్ లో పెట్టండి. మిగిలిపోయిన అన్నాన్ని చల్లార్చి 40 డిగ్రీల ఫారెన్ హీట్ (4 డిగ్రీల సెల్సియస్) కంటే తక్కువగా ఉంచిన రిఫ్రిజిరేటర్ లో భద్రపరిస్తే నాలుగు రోజుల వరకు పాడవకుండా ఉంటుంది. 

మిగిలిపోయిన అన్నాన్ని సరిగ్గా వేడి చేయడం ఎలా?

మిగిలిపోయిన అన్నం పాడుకాకుండా ఉండాలంటే ఒకసారి మాత్రమే తిరిగి వేడి చేయండి. అయితే మిగిలిన మొత్తం కాకుండా మీకు అవసరమైనంత వరకే అన్నాన్ని వేడి చేయండి. అన్నం లేదా మిగిలిపోయిన పాస్తాను 165 డిగ్రీల ఫారెన్హీట్ (74 డిగ్రీల సెల్సియస్) అంతర్గత ఉష్ణోగ్రత వద్ద మళ్లీ వేడి చేయాలి.