ఇదొక్కటి తింటే చాలు కొలెస్ట్రాల్ ఫాస్ట్ గా తగ్గుతుంది..!
శరీరంలో కొలెస్ట్రాల్ లెవెల్స్ ఎక్కువగా ఉండటం ఆరోగ్యానికి అస్సలు మంచిది కాదు. అయితే వెల్లుల్లిలోని సల్ఫర్ కొలెస్ట్రాల్ ఉన్న రక్తనాళాలను ఆరోగ్యంగా ఉంచుతుందని ఆరోగ్య నిపుణులు చెబుతున్నారు. అంతేకాదు రోజూ సగం లేదా ఒక వెల్లుల్లి రెబ్బను తింటే 10 శాతం వరకు కొలెస్ట్రాల్ లెవెల్స్ తగ్గుతాయట.
వెల్లుల్లిని పరిమితంగా తీసుకుంటే మన ఆరోగ్యానికి ఎంతో మేలు జరుగుతుందని ఎన్నో అధ్యయనాలు నిరూపించాయి. వెల్లుల్లి వంటను రుచిగా చేయడమే కాదు గుండెను కూడా ఆరోగ్యంగా ఉంచుతుందని నమ్ముతారు. వెల్లుల్లి రెబ్బ కూడా హృద్రోగులకు మేలు చేస్తుందని పబ్మెడ్ సెంట్రల్ పరిశోధనలో తేలింది. ఇది రక్త నాళాలను శుభ్రపరిచేందుకు పనిచేస్తుంది. అలాగే అధిక కొలెస్ట్రాల్ ఉన్నవారికి వెల్లుల్లితో ఎన్నో ఆరోగ్య ప్రయోజనాలు కలుగుతాయి.
పబ్మెడ్ సెంట్రల్ చేసిన ఈ పరిశోధన ప్రకారం.. వెల్లుల్లిలో అల్లిన్, అల్లిసిన్, అజి, అల్లైల్ ప్రొపైల్ డైసల్ఫైడ్, డయల్ ట్రైసల్ఫైడ్, ఎస్-అల్లిల్ మెర్కాప్టో సిస్టీన్ తో పాటుగా అనేక ఇతర ఎంజైమ్లు వంటి సుమారు 33 సల్ఫర్ సమ్మేళనాలు ఉన్నాయి. అవన్నీ మన శరీరంలో వివిధ రకాలుగా పనిచేస్తాయి. అంతేకాకుండా వెల్లుల్లిలో ఉండే 17 అమైనో ఆమ్లాలు శరీరానికి వివిధ రకాలుగా ఉపయోగపడతాయి. అంతేకాదు వెల్లుల్లిలోని ఖనిజాలు సెలీనియం, జెర్మేనియం, టెల్లూరియం కణజాలాలు, కండరాలను ఆరోగ్యంగా ఉంచుతాయి.
ఈ సమ్మేళనాలు డీఎన్ఏ ను తయారు చేయడానికి, మరమ్మత్తు చేయడానికి ఎంతగానో సహాయపడతాయి. అంతేకాకుండా వెల్లుల్లి మన శరీర జీవక్రియను మెరుగుపర్చడానికి, పెంచడానికి సహాయపడుతుంది. అంతేకాదు శరీరంలో కొవ్వు పేరుకుపోకుండా నిరోధిస్తుంది. ఇందులోని యాంటీ ఇన్ఫ్లమేటరీ గుణాలు ఎముకలను ఆరోగ్యంగా ఉంచడానికి సహాయపడతాయి.
అధిక కొలెస్ట్రాల్ ఉన్నవారు వెల్లుల్లి తినడం వల్ల కలిగే ప్రయోజనాలు
కొలెస్ట్రాల్ స్థాయిలు ఎక్కువగా ఉన్న రక్తనాళాలను ఆరోగ్యంగా ఉంచడానికి వెల్లుల్లిలోని సల్ఫర్ సహాయపడుతుంది. ఒక పరిశోధన ప్రకారం.. ప్రతిరోజూ సగం నుంచి 1 వెల్లుల్లి రెబ్బను తింటే కొలెస్ట్రాల్ స్థాయి 10% తగ్గింది. ఇంతేకాదు 20 గ్రాముల వెల్లుల్లి, 1 టేబుల్ స్పూన్ నిమ్మరసం కలిపి తీసుకోవడం వల్ల కొలెస్ట్రాల్ స్థాయి, అధిక రక్తపోటు తగ్గుతుంది. ఇది సిరలను శుభ్రపరచడమే కాకుండా చెడు కొవ్వు లిపిడ్లను తగ్గించడానికి కూడా సహాయపడుతుంది. అందుకే అధిక కొలెస్ట్రాల్ ను తగ్గించుకోవడానికి మీరు రోజూ 1 వెల్లుల్లి రెబ్బను తినండి.