వయసుచ్చిందో లేదో మనసు పారేసుకున్నారు... టీనేజ్ లోనే ప్రేమలో పడ్డ హీరోయిన్స్ వీరే!
ఈ స్టార్ హీరోయిన్స్ టీనేజ్ లోనే ప్రేమలో పడ్డట్లు ఒప్పుకున్నారు. తమ మనసు చిన్న వయసులోనే చేజారిందని చెప్పుకొచ్చారు. ఈ లిస్ట్ లో శృతి హాసన్, కియారా, నిధి వంటి స్టార్ హీరోయిన్స్ ఉన్నారు.
Star Heroines
ప్రేమకు వయసు లేదంటారు. అది ఎప్పుడు ఎవరిపైకి మళ్లుతుందో చెప్పలేం. వయసొచ్చాక అమ్మాయిలు కలలు కనడం స్టార్ట్ చేస్తారు. తమ యువరాజు ఇలా ఉండాలి అంటూ ఊహల్లో విహరిస్తూ ఉంటారు. కులం-మతం, పేద-గొప్ప, చిన్న-పెద్ద అనే తారతమ్యాలు లేకుండా ప్రేమ చిగురిస్తుంది. కాగా కొందరు హీరోయిన్స్ చిన్న వయసులోనే ప్రేమలో పడ్డట్లు ఒప్పుకున్నారు.
స్టార్ కిడ్ శృతి హాసన్ మొదటి ప్రేమ స్కూల్ లో మొదలైందట. 15 ఏళ్ల ప్రాయంలో ఆమె ఒక అబ్బాయిని ఎంతగానో ఇష్టపడిందట. టీనేజ్లో ఆ కుర్రాడిపై మనసు కలిగిందని శృతి ఒక సందర్భంలో చెప్పుకొచ్చారు.
కాగా శృతి పరిశ్రమకు వచ్చాక కొన్ని ఎఫైర్ రూమర్స్ ఎదుర్కొన్నారు. హీరో సిద్ధార్థ్, ధనుష్ లతో ఆమె ఎఫైర్స్ నడిపారన్న వాదనలు ఉన్నాయి. ఇక అధికారికంగా లండన్ కి చెందిన మైఖేల్ కోర్ల్సే తో కొన్నాళ్ళు శృతి రిలేషన్ నడిపారు. ప్రస్తుతం ముంబై డూడుల్ ఆర్టిస్ట్ శాంతను హజారికతో సహజీవనం చేస్తున్నారు.
టీనేజ్లో ప్రేమలో పడ్డ మరొక హీరోయిన్ కియారా అద్వానీ. ఇంటర్ చదివే రోజుల్లో తన క్లాస్ మేట్ ని కియారా ప్రేమించిందట. ఆ విషయంలో ఇంట్లో తెలిసి పేరెంట్స్ కట్టడి చేశారట. ఎలాగైనా అతడిని కలవాలని కంబైన్ స్టడీ కోసం ఫ్రెండ్ దగ్గరకు వెళుతున్నానని అబద్దం చెప్పి రహస్యంగా కలిసేదట.
ఇక ఇండస్ట్రీకి వచ్చాక ఆమె సిద్ధార్థ్ మల్హోత్రాతో ఎఫైర్ నడుపుతున్నట్లు వార్తలు వస్తున్నాయి. షేర్షా మూవీలో కియారా, సిద్ధార్థ్ కలిసి నటించారు. కొద్ది రోజుల్లో వివాహం చేసుకుంటున్నట్లు బాలీవుడ్ మీడియాలో ప్రముఖంగా వినిపిస్తోంది.
స్టార్ యాంకర్ కమ్ నటి అనసూయ ప్రేమ మొదలైంది టీనేజ్లోనే. అనసూయ ప్రేమ చాలా స్వచ్ఛమైంది కూడా. మొదటి చూపులో నచ్చినవాడినే పెళ్లి చేసుకుంది. ఇంటర్లో ఒక ఎన్ సి సి క్యాంపులో భరద్వాజ్ తో పరిచయం ఏర్పడింది. అది ప్రేమగా మారింది. ఏళ్ల తరబడి అనసూయ-భరద్వాజ్ లవ్ స్టోరీ నడిచింది. చివరకు పెద్దవాళ్ళను ఒప్పించి వివాహం చేసుకుంది.
హీరోయిన్ నిధి అగర్వాల్ ప్రేమ విషయంలో మరింత తొందర పడింది. ఆమె ఏకంగా 4వ తరగతిలోనే ఒకరిని ఇష్టపడిందట. ఈ విషయాన్ని నిధి ఒక ఇంటర్వ్యూలో చెప్పారు. కొన్నాళ్ళు నిధి క్రికెటర్ కే ఎల్ రాహుల్ ఎఫైర్ నడిపినట్లు సమాచారం.
ఢిల్లీ బ్యూటీ తాప్సికి ఫస్ట్ లవ్ 9వ తరగతిలో అయ్యిందట. 14ఏళ్ల వయసులో ఒక అబ్బాయిని ఇష్టపడినట్లు తాప్సి ఒప్పుకున్నారు. ప్రస్తుతం తాప్సి బాలీవుడ్ లో వరుసగా లేడీ ఓరియెంటెడ్ చిత్రాలు చేస్తున్నారు.