నానిపై షాకింగ్‌ ట్రోల్స్.. `హిట్‌`ని ఆ దేవుడే కాపాడాలి? ఇదేందయ్యా ఇంత దారుణం..

ఇండియన్‌ సినిమాల్లో సిరీస్‌, ఫ్రాంఛైజీల ట్రెండ్ స్టార్ట్ అయ్యిందని చెప్పొచ్చు. తమిళనాట `లోకేష్‌ యూనివర్స్`(ఖైదీ, మాస్టర్‌, ఖైదీ), నీల్‌ యూనివర్స్(కేజీఎఫ్‌, కేజీఎఫ్‌2, సలార్‌), తెలుగులో `హిట్‌` ఫ్రాంఛైజీ ఓ ట్రెండ్‌ లా వస్తున్నాయి. ఈ జోనర్‌లో వరుసగా సినిమాలు చేయబోతున్నారు డైరెక్టర్స్. వాటిలో తెలుగులో హాట్‌ టాపిక్‌గా మారింది `హిట్‌`(Hit) సిరీస్‌. శుక్రవారం విడుదలైన `హిట్‌2`కి మంచి స్పందన లభిస్తుంది. మొదటి సినిమా హిట్‌ కావడం, `హిట్‌2` స్కేల్‌ పెంచడం, అడివి శేష్‌ నటించడం, దీన్ని ఏడు సిరీస్‌లుగా తీసుకురాబోతున్నారనే అంశాలు మరింత హైప్‌ తీసుకొచ్చాయి. 

ఇదిలా ఉంటే `హిట్‌3`(Hit3)ని కూడా ప్రకటించిన విషయం తెలిసిందే. `హిట్‌2` క్లైమాక్స్ లోనే `హిట్‌ 3ః ది థర్డ్ కేసు` గురించి చెప్పారు. మూడో భాగంలో హీరోగా నాని(Nani)ని ప్రకటించారు. ఎండింగ్‌లో ఆ విషయాన్ని చూపించే సన్నివేశాలు, హీరో ఇంట్రడక్షన్‌ ఓ రేంజ్‌లో ఇచ్చారు.  దీంతో థియేటర్లు హోరెత్తిపోయాయి. నానిని హీరోగా చూపించిన తర్వాత అసలు సమస్య స్టార్ట్ అయ్యింది. నాని అద్బుతమైన నటుడు. నేచురల్‌ స్టార్‌గా ఇమేజ్‌ తెచ్చుకున్నాడు. యాక్టింగ్ విషయంలో ఆయనకు వంక పెట్టడానికి లేదు. కానీ థ్రిల్లర్‌ చిత్రాలకు ఆయన సెట్‌ కాడనే అభిప్రాయం వ్యక్తమవుతుంది. `హిట్‌` సినిమాకి హీరోగా నాని సెట్ కాడని, ఇక `హిట్‌`ని ఆ దేవుడే కాపాడాలని నెటిజన్లు కామెంట్లు చేస్తున్నారు. అదే విషయాన్ని వెల్లడిస్తూ నానిని ట్రోల్‌ చేస్తున్నారు. ఇదే ఇప్పుడు హాట్‌ టాపిక్‌ గా మారింది. 
 

ఇటీవల నాని `వీ` అనే చిత్రంలో నెగటివ్‌ షేడ్‌ ఉన్న పాత్రలో నటించాడు. కానీ తన పాత్ర మేరకు బాగానే చేసినా, ఆ పాత్రలో నానిని చూడలేకపోయారు ఆడియెన్స్. దీంతో `వీ` డిజాస్టర్‌ అయ్యింది. ఆ తర్వాత `టక్‌ జగదీష్‌`లోనూ సీరియస్‌ రోల్‌ చేశాడు నాని. అది కూడా పరాజయం చెందింది. నాని అంటే ఓ సరదా క్యారెక్టర్లు వస్తాయి. ఫన్నీ సీన్లు, అమాయకపు ఎక్స్ ప్రెషన్స్, సహజమైన కామెడీ, ఫ్యామిలీ సినిమాలు, అలాంటి పాత్రలు గుర్తొస్తాయి. అలానే నానిని చూస్తారు. ఆయన నటనని ఎంజాయ్‌ చేస్తారు. కానీ ఇలాంటి సీరియస్‌ రోల్స్ లో నానిని చూడలేరనే అభిప్రాయం వ్యక్తమవుతుంది. 
 

`హిట్‌2` ఎండింగ్‌లో నాని నటించే అర్జున్‌ సర్కార్‌ గురించి బిల్డప్‌ భారీగా ఇచ్చారు. ఆ హీరో ఎవరో ఎవరో అని ఆసక్తిగా చూశారు. నాని ని చూపించడంతో అప్పుడే థియేటర్లలో కొంత అసంతృప్తి కనిపించింది. బిల్డప్‌ ఇచ్చినంతగా సీన్‌ లేదని అంటున్నారు. `విక్రమ్‌` చిత్రంలో సూర్య ఎంట్రీ పీక్‌లో ఉంది. అంత క్రూయాలిటీగానూ ఉంది. అందుకే అది బెస్ట్ క్లైమాక్స్ గా నిలిచింది. కానీ `హిట్‌2`లో అది తేలిపోయిందంటున్నారు నెటిజన్లు. 
 

ఇదిలా ఉంటే ఈ ఫ్రాంఛైజీలో నానిని అప్పుడే నటింప చేయడం కరెక్ట్ కాదనే అభిప్రాయం వ్యక్తమవుతుంది. చివర్లో వచ్చి ఉంటే బాగుండేదని, రవితేజ, రానా, విజయ్‌ సేతుపతి వంటి యాక్టర్స్ తో చేయించి, చివర్లో నానిని నటింప చేసి ఉంటే బాగుండేదనే అభిప్రాయం కూడా వ్యక్తమవుతుంది. అయితే ఇక్కడ మరో అనుమానం వ్యక్తమవుతుంది. `హిట్‌`తో పోల్చితే `హిట్‌2` ఆశించిన స్థాయిలో లేదనే టాక్‌ ఉంది. `హిట్‌3`తో ఆ క్రేజ్‌ మరింత పడిపోతుందని, ఇక ఈ సిరీస్‌ క్లోజ్‌ అయినా ఆశ్చర్యం లేదంటున్నారు. ఈ సిరీస్‌లో ఒక్క సినిమా ఆడకపోయినా పక్కన పెట్టేస్తారు. అందుకే సొంత హీరో కావడంతో `హిట్‌3`తో ఈ ఫ్రాంఛైజీని మమా అనిపిస్తారేమో అనే గుసగుసలు కూడా వినిపిస్తున్నాయి. ఏదేమైనా ఒక హిట్‌ ఫ్రాంఛైజీపై ఇప్పుడు ఈ స్థాయిలో ట్రోల్స్, విమర్శలు రావడం బాధాకరం. మరి ఇది ఎంత వరకు రియాలిటీలో ఉంటుంది, ఈ సిరీస్‌ ఎలాంటి మలుపులు తిరుగుతుందనేది చూడాలి.