టైగర్ నాగేశ్వరరావు సెట్స్ లో రేణు దేశాయ్ బర్త్ డే సెలెబ్రేషన్స్.. ఫొటోస్ ఇవిగో

నటి రేణు దేశాయ్ సెకండ్ ఇన్నింగ్స్ లో నెమ్మదిగా వేగం పెంచుతోంది. పవన్ కళ్యాణ్ నుంచి విడిపోయిన తర్వాత రేణు దేశాయ్ తన పిల్లల బాగోగులు చూసుకుంటున్న సంగతి తెలిసిందే. పెళ్ళికి ముందు రేణు దేశాయ్ బద్రి, జానీ లాంటి చిత్రాల్లో నటించింది. ఇటీవల రేణు దేశాయ్ దర్శకురాలిగా కూడా అదృష్టం పరీక్షించుకుంది. 

బుల్లితెరపై కూడా అడుగు పెట్టింది. కానీ వెండి తెరపై మెరిసి చాలా కాలమే అవుతోంది. తాజాగా రేణు దేశాయ్ నటిగా కీలక పాత్రలో నటిస్తోంది. ఒక క్రేజీ చిత్రంతో సిల్వర్ స్క్రీన్ పైకి రీ ఎంట్రీ ఇవ్వనుంది. ఆ చిత్రం మరేదో కాదు.. మాస్ మహారాజ్ రవితేజ నటిస్తున్న టైగర్ నాగేశ్వర రావు. 

దీనితో రవితేజ చిత్రంలో రేణు దేశాయ్ పాత్ర ఎలా ఉండబోతోంది అనే ఆసక్తి అభిమానుల్లో నెలకొంది. తాజాగా టైగర్ నాగేశ్వర రావు చిత్ర యూనిట్ రేణు దేశాయ్ కి స్వీట్ సర్ప్రైజ్ ఇచ్చింది. నేడు ఆమె పుట్టినరోజు సందర్భంగా.. చిత్ర యూనిట్ సెట్స్ లోనే సెలెబ్రేషన్స్ చేశారు. రేణు దేశాయ్ బర్త్ డే సెలెబ్రేషన్స్ లో రవితేజ పాల్గొనలేదు కానీ..ఇతర చిత్ర యూనిట్ పాల్గొన్నారు. 

రేణు దేశాయ్ తన పుట్టినరోజుని చాలా సంతోషంగా జరుపుకుంది. చిత్ర యూనిట్ రేణు దేశాయ్ చేత కేక్ కట్ చేయించారు. రేణు దేశాయ్ తరచుగా తన పిల్లలకి సంబంధించిన విశేషాలని సోషల్ మీడియాలో షేర్ చేస్తూ ఉంటుంది. 

రేణు దేశాయ్ నేడు 41వ వసంతంలోకి అడుగుపెట్టింది. దీనితో అభిమానులు, సెలెబ్రిటీలు ఆమెకి పుట్టినరోజు శుభాకాంక్షలు చెబుతున్నారు. రేణు దేశాయ్ ఇకపై మరిన్ని చిత్రాల్లో నటించాలని కోరుకుంటున్నారు. 

టైగర్ నాగేశ్వర రావు చిత్రాన్ని అభిషేక్ పిక్చర్స్ సంస్థ నిర్మిస్తోంది. వంశి అనే నూతన దర్శకుడు ఈ చిత్రాన్ని తెరకెక్కిస్తున్నారు. ఈ చిత్ర లాంచ్ కి మెగాస్టార్ చిరంజీవి, కశ్మీర్ ఫైల్స్ దర్శకుడు వివేక్ అగ్నిహోత్రి అతిథులుగా హాజరైన సంగతి తెలిసిందే.