హన్సిక వివాహ వేడుకలు.. పేద పిల్లలకు ప్రత్యేక ఆహ్వానం.. హర్షిస్తున్న నెటిజన్లు.. ప్రీ వెడ్డింగ్ పిక్స్!

హీరోయిన్ హన్సిక మౌత్వానీ పెళ్లి వేడుకలు ఆసక్తికరంగా మారాయి. ఇప్పటికే వివాహ వేడుకలు ప్రారంభం కావడంతో నెట్టింట వెడ్డింగ్ పిక్స్ తెగ వైరల్ అవుతున్నాయి. మరోవైపు హన్సిక పెళ్లికి పేదల పిల్లలను ప్రత్యేకంగా ఆహ్వానించడం వైరల్ గా మారింది. 

టాలీవుడ్ హీరోయిన్ హన్సిక మౌత్వానీ (Hansika Mouwani) వివాహా వేడుకలు అంబరాన్ని అంటుతున్నాయి. అన్నీ రకాల ఈవెంట్లతో, గ్రాండ్ అరెంజ్ మెంట్స్ తో సెలబ్రేట్ చేస్తున్నారు. ఇప్పటికే మెహందీ వేడుకులకు సంబంధించి ఫొటోలను నెట్టింట తెగ వైరల్ అవుతున్నాయి.

ప్రముఖ బిజినెస్ మ్యాన్ సోహైల్ కతూరియా (Sohael)ను హన్సిక పెళ్లి చేసుకుంటోంది. సోహైల్ హన్సికకు స్నేహితుడు కూడాను. వీరిద్దరూ కొంతకాలంగా ప్రేమించుకోవడంతో విషయం  పెళ్లి వరకు వచ్చింది. ఈరోజు జైపూర్ లోని చారిత్రక కట్టడం ముండోతా కోటలో ఘనంగా జరుగుతోంది.

అయితే, హన్సిక పెళ్లికి కొంతమంది అతిథులును ఆహ్వానించారు. ఈక్రమంలో ముఖ్య అతిథిగా సినీ స్టార్స్, రాజకీయ ప్రముఖులు,  వ్యాపార వేత్లను ఆహ్వానించారు. వీరితో పాటు హన్సిక ఆయా ఎన్టీవోలకు చెందిన పలువురు పేద పిల్లలను, అనాథల పిల్లలననూ కూడా ప్రత్యేకంగా ఆహ్వానించింది.

వివాహా వేడుకలకు హన్సిక పేద చిన్నారులను కూడా ఆహ్వానించడం ఆసక్తికరంగా మారింది. అలాగే మరికొంత మంది చిన్నారులకూ భోజనాన్ని పంపించనున్నారు. ఇన్విటేషన్ అందుకున్న చిన్నారులు హన్సికకు థ్యాంక్స్ చెబుతూ ఓ వీడియోను కూడా నెట్టింట విడుదల చేశారు. 

తన పెళ్లికి చిన్నారులను ఆహ్వానించడం పట్ల అభిమానులు ఖుషీ అవుతున్నారు. నెటిజన్లు సైతం ప్రశంసల వర్షం కురిపిస్తున్నారు. సేవా కార్యక్రమాల పట్ల హన్సిక ఎప్పటి నుంచో ఆసక్తి చూపుతుందని కొందరికే తెలుసు. ఈరోజుతో హన్సిక ఎంతటి సేవాభావాన్ని కలిగి ఉందోనన్నది తెలిసిపోయింది. 

మరోవైపు.. నిన్న నిర్వహించిన ప్రీ వెడ్డింగ్ వేడుకల్లో హన్సిక - సోహైల్ తెగ రచ్చ చేశారు. వెడ్డింగ్ లో బాలీవుడ్ హిట్ సాంగ్స్ కు డాన్స్ చేస్తూ ఆకట్టుకున్నారు. ఇందుకు సంబంధించిన ఫొటోలు, వీడియోలు నెట్టింట వైరల్ గా మారాయి. ఎట్టకేళలకు హన్సిక మూడుముళ్ల బంధంలోకి అడుగుపెడుతుంటంతో అభిమానులు శుభాకాంక్షలు తెలుపుతున్నారు.