నందమూరి మోక్షజ్ఞకి హిట్ 2 పిచ్చగా నచ్చేసిందిగా.. నాని, అడివి శేష్ తో బాలయ్య రచ్చ, ఫొటోస్ వైరల్

అడివి శేష్ మరో బ్లాక్ బస్టర్ అందుకున్నాడు. డిసెంబర్ 2న విడుదలైన హిట్ 2 చిత్రం పాజిటివ్ టాక్ తో దూసుకుపోతోంది. నేచురల్ స్టార్ నాని ఈ చిత్రాన్ని ప్రజెంట్ చేసిన సంగతి తెలిసిందే. ఒక ప్రాంఛైజీలు హిట్ సిరీస్ కొనసాగనుంది. హిట్ 2 ఘనవిజయం సాధించడంతో హిట్ 3పై ఇప్పటి నుంచే బజ్ మొదలైంది. 

హిట్ 3లో నేచురల్ స్టార్ నాని హీరోగా నటించబోతున్నాడు. ఈ క్రేజీ అప్డేట్ ని హిట్ 2 చివర్లో రివీల్ చేశారు. ఇక హిట్ 2లో అడివి శేష్ తన పెర్ఫామెన్స్ తో అదరగొట్టేసినట్లు ప్రేక్షకులు ప్రశంసలు కురిపిస్తున్నాయి. ఏది ఏమైనా హిట్ 2 చిత్ర యూనిట్ ప్రస్తుతం సక్సెస్ ని ఎంజాయ్ చేస్తున్నారు. పోస్ట్ రిలీజ్ ప్రమోషన్స్ కొనసాగిస్తున్నారు.  . 

తాజాగా అడివి శేష్, నేచురల్ స్టార్ నాని.. నందమూరి బాలకృష్ణ హిట్ 2 చిత్రాన్ని స్పెషల్ స్క్రీనింగ్ ద్వారా ప్రదర్శించారు. ఇక్కడ మరో విశేషం ఏంటంటే బాలయ్య తనయుడు నందమూరి మోక్షజ్ఞ కూడా హిట్ 2 చిత్రాన్ని చూశాడు. ఈ విషయాన్ని అడివి శేష్ సోషల్ మీడియా తెలిపాడు. 
 

బాలయ్య, మోక్షజ్ఞతో కలసి ఉన్న ఫోటోస్ ని అడివి శేష్ ట్విట్టర్ లో షేర్ చేశాడు. ఈ ఫొటోస్ లో నాని కూడా ఉన్నాడు. అడివి శేష్ ట్వీట్ చేస్తూ.. 'బాలయ్య సర్ కి హిట్ 2 సూపర్ గా నచ్చింది. నా పెర్ఫామెన్స్ గురించి, దర్శకుడు శైలేష్ విజన్ గురించి ఆయన ఎంతగానో ప్రశంసించారు. 

హిట్ 2 సిరీస్ లో కామియో రోల్ ప్లే చేయాలని నేను బాలయ్య సర్ ని రిక్వెస్ట్ చేశాడు. ఆయన చిరునవ్వు నవ్వి.. ఏమో ఏం జరుగుతుందో చూద్దాం అన్నారు.  నందమూరి మోక్షజ్ఞ చాలా స్వీట్ కిట్. మోక్షజ్ఞకి హిట్ 2 చాలా బాగా నచ్చింది' అంటూ అడివి శేష్ ట్వీట్ చేశాడు. 

నందమూరి మోక్షజ్ఞ ఇలా ఏదో రకంగా సినిమా కార్యక్రమాల్లో కనిపిస్తుండడంతో ఫ్యాన్స్ హ్యాపీగా ఉన్నారు. అంటే త్వరలోనే మోక్షజ్ఞ సిల్వర్ స్క్రీన్ ఎంట్రీ ఖాయం అంటూ ఊహాగానాలు వినిపిస్తున్నాయి.