Janaki Kalaganaledu: జ్ఞానాంబకు చదువు గురించి జానకి చెప్పేస్తుందా.. రామచంద్ర పరిస్థితి ఏంటి?

Janaki Kalaganaledu: బుల్లితెరపై ప్రసారమవుతున్న జానకి కలగనలేదు (Janaki Kalaganaledu) సీరియల్ ప్రేక్షకులను బాగా ఉంటుంది. మంచి కుటుంబ కథతో ఈ సీరియల్ కొనసాగుతుంది. ఇక ఈ రోజు జులై 21ఎపిసోడ్ లో ఏం జరిగిందో తెలుసుకుందాం. 

ఈరోజు ఎపిసోడ్ లో రామచంద్ర(rama cjandra),జానకిని అకాడమీకి తీసుకుని వెళుతూ ఉండగా ఇంతలో జ్ఞానాంబ వాళ్ళు అక్కడే ఉంటారు. అప్పుడు జ్ఞానాంబ ఈ సమయంలో ఎక్కడికి వెళ్తున్నారు రామచంద్ర జానకి గారు అలా కాసేపు బయటకు వెళ్దామని అన్నారు అందుకే వెళ్తున్నాము అని అనడంతో అంతలోనే మల్లిక(mallika) అక్కడికి వచ్చి వారిపై లేనిపోని చాడీలు చెప్పడానికి ప్రయత్నిస్తుంది. అప్పుడు గోవిందరాజులు మల్లిక పై సెటైర్లు వేస్తాడు.

 జానకి(janaki) కాలి నొప్పితో ఈ సమయంలో ఎక్కడికి వెళ్తుందో అని మల్లిక అనగా వెంటనే జ్ఞానాంబ కూడా జానకిని రెస్ట్ తీసుకోమని చెబుతుంది. అప్పుడు జానకి వాళ్ళు ఏమీ మాట్లాడకుండా మౌనంగా ఉంటారు. అప్పుడు గోవిందరాజులు(govindarajulu) అలా బయటికి వెళ్లి వస్తే వాళ్లకు కూడా కాస్త మనశ్శాంతిగా ఉంటుంది అని చెప్పి రామచంద్ర వాళ్ళని బయటికి పంపిస్తాడు. అప్పుడు మల్లికా కుళ్ళుకుంటూ రామచంద్ర వాళ్ళ వైపు చూస్తూ ఉండగా గోవిందరాజులు మల్లిక పై కౌంటర్లు వేస్తూ ఉంటాడు.

 అప్పుడు జానకి(janaki)చదువు విషయం గురించి చెబుదాము అనుకుంటే ఈ పోలేరమ్మ నమ్మడం లేదు అని జ్ఞానాంబని తిట్టుకుంటూ ఉంటుంది మల్లిక(mallika). ఆ తరువాత అకాడమీలో జానకి తో పాటు విద్యార్థులు ఉంటారు. ఇంతలోనే జానకి వాళ్ళ సార్ వచ్చి కొన్ని విషయాలు చెబుతూ ఉండగా ఇంతలో అక్కడికి ఒక వ్యక్తి నోటీసు తీసుకొని వస్తాడు. ఆ తర్వాత సర్టిఫికెట్ వెరిఫికేషన్ కోసం ఇద్దరూ పెద్ద ఆఫీసర్లు కాలేజీకి వస్తారు.

అసలు విషయం తెలియకపోవడంతో జానకి(janaki) టెన్షన్ పడుతూ ఉంటుంది. వాళ్లు జానకిని సర్టిఫికెట్స్ గురించి అడగగా తనకు ఫోన్ రాలేదు తనకు తెలియదు అని చెప్పడంతో వాళ్లు మరుసటి రోజు తీసుకునే రమ్మని చెబుతాడు. ఇంతలోనే మరొక ఆఫీసర్ చాలా మంది ఫేక్ సర్టిఫికెట్ లో చదువుకుంటున్నారు అలాంటి వాళ్ళు ఎవరైనా దొరికితే న్యాయపరమైన శిక్షలు ఉంటాయి అని స్ట్రాంగ్ వార్నింగ్ ఇస్తారు.

అప్పుడు జానకి(janaki)తన మనసులో తన ఒరిజినల్ సర్టిఫికెట్లు అన్ని అత్తయ్య దగ్గర ఉన్నాయి అని బాధపడుతూ ఉంటుంది. అప్పుడు రామచంద్ర (rama chandra)సర్టిఫికెట్లు ఎందుకు ఇచ్చారు అని కోపంతో జానకి పై అరుస్తాడు. అప్పుడు జానకి కూడా బాధపడుతూ ఉంటుంది. మరొకవైపు జ్ఞానాంబ ఇంటికి ఒక అమ్మాయి వచ్చి తన అత్తగారింటికి వెళ్ళను అని చెప్పడంతో, అప్పుడు జ్ఞానాంబ సరే నువ్వు ఈరోజు ఇక్కడే ఉండు రేపు నేను మాట్లాడి పంపిస్తాను అని చెబుతుంది.

 ఇక ఆ తరువాత మరుసటి రోజు జానకి(janaki) ఎప్పటికైనా నిజం తెలియాల్సిందే అని చదువు గురించి తన అత్తయ్యకు చెప్పాలి అనుకొని అక్కడికి వెళుతుంది. కానీ రామచంద్ర మాత్రం వద్దు అని భయపడుతూ ఉంటాడు. ఇంతలోనే జ్ఞానాంబ(jnanamba)దగ్గరికి జానకి వెల్లగా అక్కడ రాత్రి ఇంటికి వచ్చిన అమ్మాయికి తన కోడలి గురించి గొప్పగా చెబుతూ ఉంటుంది. నాకోసం నా కోడలు తన ఇష్టాలని వదులుకుంది నువ్వు కూడా మీ అత్తవారి కోసం వాళ్లకు నచ్చినట్లుగా ఉండు అని సలహా ఇస్తుంది. అంతేకాకుండా జానకి చదువుకోకుండా తన సర్టిఫికెట్లు కూడా నా దగ్గరే పెట్టింది అనడంతో దానికి అసలు విషయం చెప్పాలి అని అక్కడికి వచ్చి అనుకోకుండా ఆగిపోతుంది.