హీరోయిన్‌ `అన్నా` అని పిలవడంతో షో నుంచి వెళ్ళిపోయిన హైపర్‌ ఆది.. ట్రాక్‌ ఎక్కి నిరసన.. అంతా రచ్చరచ్చ..

సుడిగాలి సుధీర్‌ వెళ్లిపోవడంతో `జబర్దస్త్`, `శ్రీ దేవి డ్రామా కంపెనీ`, `ఢీ` షోలకు హైపర్‌ ఆదినే మెయిన్‌ ఎంటర్‌టైనర్‌ అవుతున్నాడు. ఆయన ఏం చేసినా నవ్వులు పూయడం విశేషం. కొత్త, పాత యాంకర్లతో పులిహోర కలుపుతూ చర్చనీయాంశం అవుతున్నాడు. షోలకు స్పెషల్‌ మైలేజ్‌ తీసుకొస్తున్నాడు. 

అమ్మాయిలతో బావ అని పిలిపించుకునేందుకు, లవర్‌గా పిలుపించుకునేందుకు ఆరాటపడే హైపర్‌ ఆదికి పెద్ద షాక్‌ తగిలింది. హీరోయిన్‌ ఆయన్ని అన్నయ్య అని పిలిచింది. షో వేదికపై అందరి ముందు ఆమె అన్నయ్య అని పిలవడంతో గట్టిగా హర్ట్ అయ్యాడు ఆది. దీంతో షో నుంచి అర్థాంతరంగా వెళ్లిపోయాడు. ట్రాక్‌ ఎక్కి నిరసన తెలియజేశాడు. ఆ మాట వెనక్కి తీసుకోవాలని డిమాండ్‌ చేశాడు. లేదంటే అలానే ఉండిపోతానని హెచ్చరించాడు. మరి ఇంతకి ఏం జరిగిందంటే. 
 

`శ్రీదేవి డ్రామా కంపెనీలోకి `ముఖచిత్రం` సినిమా యూనిట్‌ వచ్చింది. ఈ నెల 9న సినిమా విడుదల కానున్న నేపథ్యంలో ప్రమోషన్‌లో భాగంగా హీరోహీరోయిన్‌ వికాస్‌ వశిష్ట, ప్రియా వడ్లమాని, సినిమా రైటర్‌ సందీప్‌ రాజ్‌, దర్శకుడు గంగాధర్‌ ఇందులో పాల్గొన్నారు. సందడి చేశారు. అయితే ఇందులో హీరోయిన్‌ ప్రియా వడ్లమానితో కాసేపు పులిహోర కలిపాడు హైపర్‌ ఆది. 
 

మిమ్మల్ని మంచు హుషారుగా ఉన్నప్పుడు చూశానంటూ ఆమెని గుర్తు చేసుకున్నాడు ఆది. హుషారు పాట వేయడంతో ప్రియా సిగ్గులు మొగ్గేసింది. ఆ సినిమాలో సన్నివేశం చెబుతున్న క్రమంలో ప్రియా అన్నా అని పిలిచింది. స్టేజ్ పైనే అందరి ముందు అలా పిలవడంతో షాక్‌ అయ్యాడు ఆది. నరేష్‌ నోరెళ్ల బెట్టాడు. అన్నా అంటూ ఆదిని మరింతగా రెచ్చగొట్టాడు. దీంతో షో నుంచి అర్థాంతరంగా వెళ్లిపోయాడు ఆది. 
 

అందరు వద్దు వద్దు అంటూ అరుస్తున్నా, ఎవరికీ లెక్కచేయకుండా స్టేజ్‌ దిగివెళ్లిపోయాడు ఆది. అంతేకాదు కెమెరాలకు వాడే ట్రాక్‌పై పడుకుని నిరసన వ్యక్తం చేశాడు. ఆమాటని వెనక్కి తీసుకోవాలంటూ డిమాండ్‌ చేశాడు. దీనికి స్పందించి ప్రియా.. `అన్నయ్య మీకు ఏమైనా అయితే నేను తట్టుకోలేను` అని అనడంతో .. `అన్నయ్య అంటుంది, తట్టుకోలేను అంటుంది ఎవర్రా ఇది అంటూ ఆది ఆశ్చర్యం వ్యక్తం చేశాడు. 

`శ్రీదేవి డ్రామా కంపెనీ`లో జరిగిన ఈ సన్నివేశాలు ఆద్యంతం నవ్వులు పూయించాయి. ఆది, ప్రియా మధ్య వచ్చిన సన్నివేశాల్లు కమెడీని పంచాయి. హైలైట్‌గా నిలిచాయి. దీంతోపాటు ఇందులో అమ్మాయిల ప్యాషన్‌ షో, ర్యాంపు వాకులు అదిరిపోయాయి. షో మరింత కలర్‌ఫుల్‌గా సాగింది. ఆకట్టుకుంటుంది.