Guppedantha Manasu: రిషి మాటలకు కన్నీళ్లు పెట్టుకున్న ఏంజెల్.. తండ్రి ముందు పిన్నిని ఇరికించేసిన శైలేంద్ర!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి రేటింగ్ ని సంపాదించుకుంటూ టాప్ సీరియల్స్ సరసన స్థానం సంపాదించుకుంటుంది. కాలేజీ భవిష్యత్తు కోసం తపన పడుతున్న ఒక లెక్చరర్ కథ ఈ సీరియల్. ఇక ఈరోజు ఆగస్టు 23 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో మీ పెళ్ళెప్పుడు అని ఎందుకు మెసేజ్ పెట్టారు, అంటే నేను వేరే పెళ్లి చేసుకుంటానని మీ ఉద్దేశమా.. నేను మనసులో ఒకరిని పెట్టుకొని నా పక్కన ఇంకొకరిని పెట్టుకోలేను అంటాడు రిషి. మీ మనసులో ఉన్న ఆ ఒక్కరు ఎవరు సార్ అని అడుగుతుంది వసుధార. ఎవరో నీకు తెలియదా అంటూ ఆమెకు దగ్గరగా వెళ్లి నువ్వే వసుధార..మన ఇద్దరిదీ రిషిదారల బంధం అనటంతో రిషి ని హగ్ చేసుకుంటుంది వసుధార.

 ఇంతలో దీనంతటికీ కారణం మీరు, నన్ను ఒంటరిని చేసేసారు. అయినా పెళ్లి అనేది నా సమస్య అని రిషి అనటంతో భ్రమనుంచి బయటికి వస్తుంది. రిషి ని హగ్ చేసుకోవడం భ్రమ అని గ్రహిస్తుంది వసుధార. అవును సార్ ఇది మీ సమస్య మీరే పరిష్కరించుకోవాలి. మీకు గతం లేదు మీరు నన్ను వద్దనుకున్నారు కదా అందుకే మీరు నన్ను మర్చిపోండి అంటుంది వసుధార. మీరు ఇంత కఠినంగా మాట్లాడుతారు అనుకోలేదు.

 మీది బండ రాయి కంటే గట్టి మనసు.  అయినా ఇంకా ఎందుకు ఇక్కడే ఉన్నారు వెళ్ళండి మేడం అంటూ తను కారెక్కి వెనక్కి వెళ్ళిపోతాడు. వసుధార తన బైక్ దగ్గరికి వచ్చేసరికి ఏంజెల్ వాయిస్ మెసేజ్ పెడుతుంది. అది ఏంటి అని వింటుంది వసుధార. రిషి ని పెళ్లి చేసుకోవడానికి నువ్వే ఒప్పించాలి. ఈ సాయం నువ్వు మాత్రమే చేయగలవు అని ఆ మెసేజ్ లో ఉంటుంది. ఆ మాటలు రిషి వింటాడు. ఏంజెల్ నన్ను పెళ్లి చేసుకోవడమేంటి అని షాకింగ్ గా వసుధారని అడుగుతాడు.

 ఈ విషయం మీకు తెలిసి కూడా నాకు చెప్పలేదు మళ్లీ దాపరికం అంటూ కోపంగా అక్కడి నుంచి వెళ్ళిపోతాడు. మరోవైపు రాత్రి చాలా టైం అయిన వరకు ఏదో లిస్ట్ అవుట్ చేస్తూ ఉంటుంది జగతి. నేను హెల్ప్ చేయనా అని అడుగుతాడు మహేంద్ర. వద్దు మహేంద్ర నువ్వు పడుకో నా పని కాసేపట్లో అయిపోతుంది అంటుంది జగతి. ఇదంతా పైనుంచి చూస్తూ ఉంటాడు శైలేంద్ర. అన్ని బాధ్యతలు నువ్వే చూసుకుంటున్నావు నాకు ఒక్క పని కూడా అందనివ్వడం లేదు.

 రిషి ని కాలేజీకి దూరం చేసినట్లే నిన్ను దూరం చేయటం పెద్ద కష్టం కాదు కానీ కాలం కలిసి రావటం లేదు అని మనసులో అనుకుంటాడు. మరోవైపు ఇంటికి వచ్చిన వసుధార ఏంజెల్ కి  ఫోన్ చేస్తుంది.ఫోన్ లిఫ్ట్ చేసిన ఏంజెల్  రిషి తో మాట్లాడేవా తను ఏమన్నాడు అంటూ ప్రశ్నల మీద ప్రశ్నలు వేస్తుంది. వసుధార ఏమి మాట్లాడకపోవటంతో సరేలే ఇప్పుడు రిషి ఇంటికి వస్తాడు కదా నేను మాట్లాడతాను అని ఫోన్ పెట్టేస్తుంది ఏంజెల్. అంతలోనే రిషి ఇంటికి రావడంతో ఇంతసేపు ఎక్కడికి వెళ్లావు అని అడుగుతుంది.

విషయం చెప్పండి సార్ అని మెసేజ్ పెడుతుంది వసుధార. ఒక్క మాటలో చెప్పేదయితే మెసేజ్ పెట్టేవాడిని కానీ మాట్లాడాలి, డిస్కస్ చేయాలి అంటాడు రిషి. రౌండ్ టేబుల్ కాన్ఫరెన్స్ అరేంజ్ చేయనా అని ఆట పట్టేస్తుంది పసుధార. కొంచెం ఎక్కువైనట్లుంది అంత అక్కర్లేదు క్లాసు అయ్యాక నన్ను కలవండి చాలు అని ఫోన్ పెట్టేస్తాడు రిషి. వసుధార ఎక్స్ప్రెషన్స్ రకరకాలుగా ఉండటంతో క్లాస్ అందరూ ఆమెనే చూస్తూ ఉంటారు. అప్పుడు గమనిస్తుంది తను క్లాసులో ఉన్నట్లు.

 ఎక్కడికి వెళ్తే నీకెందుకు.. నా పర్సనల్ విషయాల్లో జోక్యం చేసుకోవద్దు అని నీకు ఎన్ని సార్లు చెప్పాను అంటూ ఏంజెల్ ని కసురుకుంటాడు. రిషి మాటలకి కన్నీరు పెట్టుకుంటుంది ఏంజెల్. ఏం మాట్లాడవేంటి రిషి అని ఏంజెల్ అడగటంతో బ్రమలోంచి బయటకు వస్తాడు రిషి. ఏంజెల్ ని కసురు కోవటం భ్రమ అని గమనిస్తాడు. వసుధారని కలిసావంట కదా తను ఏం మాట్లాడింది అని అడుగుతుంది ఏంజెల్. ఇప్పుడు అవన్నీ మాట్లాడే మూడ్ నాకు లేదు. రేపొద్దున్నే మాట్లాడుకుందాం అని చెప్పి అక్కడ నుంచి వెళ్ళిపోతాడు రిషి.

 నువ్వు డైరెక్ట్ గా ఓపెన్ అవ్వవని తెలుసు. అందుకే ప్లాన్ బి అమలు చేశాను అనుకుంటుంది ఏంజెల్. రిషి తన గదిలోకి వెళ్లేసరికి మంచం మీద లవ్ లెటర్ కనిపిస్తుంది. అది చదివిన రిషి వసుధారయే ఏంజెల్ పేరు మీద అది రాసిందని అర్థం చేసుకుంటాడు. వసుధారకి ఫోన్ చేసి ఎందుకు ఇలాంటి పిచ్చి పనులు చేసి ఏంజెల్ ని ఎంకరేజ్ చేస్తున్నావు అని అడుగుతాడు. నేనెందుకు ఎంకరేజ్ చేస్తాను అయినా మీ ఇద్దరి మధ్యలో నేను ఇరుక్కుంటున్నాను.

 అయినా మీ మనసులో ఏముందో త్వరగా ఆమెకి  చెప్పేస్తే ఏ సమస్యా ఉండదు కదా అని చెప్పి ఫోన్ పెట్టేస్తుంది వసుధార. మరోవైపు మహేంద్ర ఇంట్లో అందరూ కూర్చొని కాఫీ తాగుతూ ఉంటారు. రాత్రి చాలాసేపు ఏదో వర్క్ చేస్తూ కూర్చున్నావు అప్పుడు డిస్టర్బ్ చేయడం బాగోదని ఇప్పుడు అడుగుతున్నాను ఏం చేశావు పిన్ని అని అడుగుతాడు శైలేంద్ర. అవునా జగతి అంటాడు ఫణీంద్ర. ఏం చెప్పాలో అర్థం కాక సతమతమవుతుంది జగతి. తర్వాత ఏం జరిగిందో రేపటి ఎపిసోడ్ లో చూద్దాం.