వెకేషన్ ను ఎంజాయ్ చేస్తున్న శృతిహాసన్.. బ్లాక్ అవుట్ ఫిట్ లో స్టార్ హీరోయిన్ స్టైలిష్ లుక్ అదుర్స్..

స్టార్ హీరోయిన్ శృతిహాసన్ మొన్నటి వరకు భారీ ప్రాజెక్ట్స్ తో ఫుల్ బిజీగా గడిపింది. ప్రస్తుతం కాస్తా సమయం దొరకడంతో వేకేషన్ కు వెళ్లింది. తాజాగా అభిమానులతో అక్కడి ఫొటోలను పంచుకుంది. 

టాలీవుడ్ స్టార్ హీరోయిన్ శృతిహాసన్ (Shruti Haasan) ప్రస్తుతం సక్సెస్ జోష్ లో ఉంది. బ్యాక్ టు బ్యాక్ సినిమాల్లో నటిస్తూ హిట్లను సొంతం చేసుకున్న స్టార్ హీరోయిన్ ఫుల్ ఖుషీ అవుతోంది. మొన్నటి వరకు భారీ ప్రాజెక్ట్స్ తో ఫుల్ బిజీగా గడిపింది. టాలీవుడ్ సీనియర్ హీరోలు మెగాస్టార్ చిరంజీవి, నందమూరి బాలకృష్ణ సరసన నటించి మెప్పించింది. రీసెంట్ గా ఆ చిత్రాలు ‘వాల్తేరు వీరయ్య’.. ‘వీరసింహారెడ్డి’ విడుదలై బ్లాక్ బాస్టర్ గా నిలిచిన విషయం తెలిసిందే. దీంతో శృతిహాసన్ ఫ్యాన్స్ ఫుల్ ఖుషీ అవుతున్నారు. 

వరుసగా హిట్లను సొంతం చేసుకుంటున్న శృతిహాసన్ గత నెల వరకు షూటింగ్ బిజీలోనే ఉంది. రీసెంట్ గా పాన్ ఇండియా స్టార్ ప్రభాస్ (Prabhas) - సెన్సేషనల్ డైరెక్టర్ ప్రశాంత్ నీల్ కాంబోలో వస్తున్న Salaar షూటింగ్ ను కూడా పూర్తి చేసుకుంది. షూటింగ్ పూర్తైన సందర్భంగా కాస్తా సమయం దొరకడంతో ఇలా వేకేషన్స్ కు వెళ్తూ రిలాక్స్ అవుతోంది. తాజాగా కొడైకెనాల్  టూరింగ్ స్పాట్ లో ఎంజాయ్ చేస్తోంది. అక్కడి ప్రకృతి అందాలను ఆస్వాదిస్తోంది. 

ఈ సందర్భంగా అభిమానుల కోసం అక్కడి నుంచి కొన్ని ఫొటోలను పంచుకుంది. నేచర్ మధ్యలో ఒదిగిపోయినట్టుగా ఫొటోలకు ఫోజుల్చింది. చుట్టు పచ్చదనంతో నిండిన ఆహాల్లాదకరమైన వాతావరణం కనిపిస్తోంది. బ్యూటీఫుల్ లోకేషన్ లో శృతి హాసన్ ప్రశాంతతను పొందుతోంది. 

అలాగే లేటెస్ట్ పిక్స్ లో స్టైలిష్ లుక్ నూ సొంతం చేసుకుంది. ఇప్పటికే అదిరిపోయే  అవుట్ ఫిట్లు ధరిస్తూ తన ఫ్యాషన్ సెన్స్ చూపిస్తున్న ఈ ముద్దుగుమ్మ.. తాజాగా బ్లాక్ డ్రెస్ లో మైండ్ బ్లాక్ చేసింది. ప్రస్తుతం ఈ ఫొటోలు నెట్టింట వైరల్ అవుతున్నాయి. 

ఇక గత నెల ఫిబ్రవరి 24 వరకే శృతిహాసన్ ‘సలార్’ షూటింగ్ పార్ట్ పూర్తైనట్టు అధికారికంగా ప్రకటించారు. దీంతో అభిమానుల ఫోకస్ ‘సలార్’పై మళ్లింది. ఈ బిగ్ ప్రాజెక్ట్ లో నటించడం పట్ల చాలా సంతోషంగా ఉందని శృతిహాసన్ కూడా తెలిపిన విషయం తెలిసిందే. 

ప్రశాంత్ నీల్ దర్శకత్వంలో తెరకెక్కుతున్న ఈ చిత్రానికి హోంబలే ఫిల్మ్స్ బ్యానర్ పై నిర్మిస్తున్నారు. భారీ బడ్జెట్ లో వస్తున్న ఈ చిత్రానికి రవి బర్రూర్ సంగీతం అందిస్తున్నారు. జగపతి బాబు, పృథ్వీ రాజ్ సుకుమారన్  కీలకపాత్రలు పోషిస్తున్నారు. దాదాపు షూటింగ్ 70 శాతానికి పైగా పూర్తైంది. ఈ ఏడాది సెప్టెంబర్ 28న ప్రపంచ వ్యాపంగా పూర్తి కానుంది.