బాలీవుడ్ లోకి రీ ఎంట్రీ ఇవ్వబోతున్న జ్యోతిక..?

జ్యోతిక గురించి ప్రత్యేకంగా చెప్పాల్సిన పనిలేదు. బాలీవుడ్ లోకి 1997లో అడుగు పెట్టిన ఆమె..హిందీ సినిమాలతోనే తన నట ప్రయాణం స్టార్ట్ చేసింది. బాలీవుడ్ లో సినిమాలు చేస్తూనే..  సౌత్ సినిమాల్లోకి అడుగు పెట్టింది. తెలుగు,తమిళ భాషల్లోవరుస సినిమాలు చేస్తూ సౌత్ లోనే సెటిల్ అయ్యింది జ్యోతిక. ఈరెండు భాషల్లో ఎక్కువగా స్టార్ హీరోల సరసన మెరిసింది బ్యూటీ. 

ప్రముఖ నటి జ్యోతిక తమిళంలో  అజిత్ హీరోగా 1999లో విడుదలైన వాలి సినిమాతో ఎంట్రీ ఇచ్చింది. తరువాత  తెలుగులో నాగార్జున, చిరంజీవి, రవితేజ లాంటిస్టార్స్ సరసనమెరిసింది బ్యూటీ. ఇక జ్యోతిక చేసిన చంద్రముఖీలాంటి సినిమాలు బహుభాషా ప్రాచూర్యం పొందాయి. ఇక సౌత్ లో స్టార్ డమ్ అనుభవించిన ఈబ్యూటీ.. స్టార్ హీరోసూర్యతో ప్రేమలో పడి.. పెద్దలను ఒప్పించి పెళ్ళాడింది. 

సూర్యను పెళ్లాడిన తరువాత ముంబయ్ భామ కాస్తా.. చెన్నై చిన్నదిగా మారిపోయింది. సినిమాల్లో నటిస్తూనే.. ఎన్నో అవార్డ్ లురివార్డు లుసాధించింది. ఇక సూర్యతో పెళ్లి పిల్లలు తరువాత చాలా కాలం సినిమావైపు చూడని ఈ సీనియర్ బ్యూటీ.. ఈమధ్య లేడీ ఓరియెంటెడ్ సినిమాలు చేస్తూ.. నిర్మాతగాను రాణించింది. 

ఇక తాజా సామాచారం ప్రకారం జ్యోతికా మరోసారి బాలీవుడ్ లోకి రీ ఎంట్రీ ఇవ్వబోతున్నట్టు తెలుస్తోంది.  దాదాపు 26 ఏళ్ల తర్వాత మళ్లీ ఇప్పుడు బాలీవుడ్ లో అడుగుపెడుతోంది బ్యూటీ. ప్రముఖ నటుడు అజయ్ దేవగన్ నటించిన "సైతాన్" చిత్రంలో ఆమె ఒక ముఖ్యమైన పాత్రను పోషించబోతున్నట్టు సమాచారం.

అంతే కాకుండా జ్యోతిక స్క్రీన్ కెరీర్‌లో అత్యంత ముఖ్యమైన చిత్రాలైన తుమ్ తుమ్ తుమ్ మరియు ప్రియమనా దోధి చిత్రాల్లో జ్యోతికతో కలిసి నటించిన ప్రముఖ నటుడు మాధవన్  కూడా ఈసినిమాలో నటించాడు. . దాదాపు 20 ఏళ్ల తర్వాత మాధవన్, జ్యోతిక ఇద్దరూ ఈ సినిమాలో కలిసి నటించబోతున్నారు. 

ఇక సూర్య, జ్యోతిక ప్రస్తుతం ముంబయ్ లోనే ఉంటున్నారట. పిల్లల చదువుల కోసం ఇక్కడ సెటిల్ అయ్యారని అంటున్నా.. చెన్నెైలో మరికొందరు మాత్రం.. కుటుంబ కలహాలతోనే ఇలా చేశారని అంటున్నారు. అంతే కాదు సూర్య జ్యోతికకు విడాకులు ఇస్తున్నారంటూ.. వార్తలు వైరల్ అవుతున్నాయి.