టీవి నటిపై అత్యాచారయత్నం పొదల్లోకి లాక్కెళ్లిన డ్రైవర్
- ఉపాసన సింగ్ అంటే తెలియని టెలివిజన్ ప్రేక్షకులు ఉండరు
- ప్రముఖ కమెడియన్, హోస్ట్ కామెడీ నైట్స్ కపిల్ షోలో పింకీ బువాగా అందరికీ సుపరిచితులు
- అయితే ఇటీవల ఓ షూటింగ్ కోసం చండీగఢ్‌కు వెళ్లగా ఆమెకు ఓ చేదు అనుభవం ఎదురైంది.
ఉపాసన సింగ్ అంటే తెలియని టెలివిజన్ ప్రేక్షకులు ఉండరు. ప్రముఖ కమెడియన్, హోస్ట్ కామెడీ నైట్స్ కపిల్ షోలో పింకీ బువాగా అందరికీ సుపరిచితులు. అయితే ఇటీవల ఓ షూటింగ్ కోసం చండీగఢ్‌కు వెళ్లగా ఆమెకు ఓ చేదు అనుభవం ఎదురైంది. ఓ టాక్సీ డ్రైవర్ ఆమెపై అత్యాచారానికి జరుపడానికి ప్రయత్నించడం సంచలనంగా మారింది. అయితే ఆ ఘటనలో ఏమి జరిగిందో తెలియాలంటే వివరాల్లోకి వెళ్లాల్సిందే.
బాలీవుడ్ చిత్రానికి సంబంధించిన షూటింగ్‌ను పూర్తి చేసుకొని హోటల్‌కు ఉపాసన సింగ్ కారులో తిరిగి వస్తున్నది. ఆమె ప్రయాణిస్తున్న కారును డ్రైవర్ దట్టమైన పొదల్లోకి తీసుకెళ్తున్నారు. ముందే ప్రమాదాన్ని పసిగట్టిన ఉపాసన వెంటనే పోలీస్ కంట్రోల్ రూమ్‌కి ఫిర్యాదు చేసింది. సమీపంలోని జిరాక్‌పూర్ పోలీస్ స్టేషన్‌లో ఫిర్యాదు చేసింది.
ఉపాసన సింగ్ చేసిన ఫిర్యాదుకు వెంటనే స్పందించిన పోలీసులు వెంటనే ఆ ప్రదేశానికి చేరుకొన్నారు. డ్రైవర్‌ను అదుపులోకి తీసుకొని వెంటనే ఆమెకు ఎస్కార్టుగా పోలీసుల వచ్చి ఉపాసనను క్షేమంగా హోటల్‌కు తరలించారు.
ఆ తర్వాత ఉపాసన మీడియాతో మాట్లాడుతూ ఆ దుర్ఘటనను వివరించారు. ఆ రోజు నా షూటింగ్ చివరి రోజు. షూటింగ్ ముగించుకొని హోటల్‌కు వస్తున్నాను. సాధారణంగా షూటింగ్ స్పాట్ నుంచి హోటల్‌కు 45 నిమిషాల ప్రయాణం. ఆ రోజు రెండు గంటలకుపైగా ప్రయాణించినప్పటికీ.. ఇంకా గమ్యస్థానానికి చేరుకోలేదు అని ఆమె వెల్లడించారు
డ్రైవర్ తీరుపై అనుమానం వచ్చింది. వెంటనే నేను డ్రైవర్‌ను నిలదీయగా దారి మరిచిపోయాను అని చెప్పాడు. ఒకవేళ దారి మరిచిపోతే నాకు ఎందుకు చెప్పలేదు అని ప్రశ్నించాను. కారు నిలిపివేయమని చెప్పాను. అందుకు తిరస్కరించి ఇంకా స్పీడ్ పెంచాడు. దాంతో ఏదో జరుగబోతుందని భయపడ్డాను.
కారు ఆపకపోతే నా కుటుంబ సభ్యలకు, పోలీసులకు ఫిర్యాదు చేస్తే నీ బతుకు ఏమైపోతుందో ఊహించుకో అని బెదిరించాను. వెంటనే పోలీసులకు ఫిర్యాదు చేశాను. వెంటనే వారు కారును ఛేజ్ చేసి డ్రైవర్‌ను అరెస్ట్ చేయడంతో పెద్ద గండం తప్పింది.
నాకు ఎదురైన పరిస్థితికి డ్రైవర్‌పై కఠిన చర్యలు తీసుకోవాలని అనుకొన్నాను. కానీ నాకే కాదు మరెవరికైనా జరిగే అవకాశం ఉంటుందనే ఆందోళన కలిగింది. తొలుత విచారణకు ఒప్పుకోలేదు. ఆ తర్వాత తప్పును ఒప్పుకొన్నాడు. కానీ డ్రైవర్ క్షమాపణలు తెలుపుతూ లెటర్ రాసి ఇవ్వడంతో నేను అతడిని క్షమించి వదిలేశాను. నా ఫిర్యాదును వాపస్ తీసుకొన్నాను.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
