సమంత రంగస్థలం టీజర్ లో ఆ కిస్సు వల్లే మిస్సైందా...
- కిస్సు వల్లే సమంత మిస్సయిందా..
- రంగ స్థలం టీజర్ లో సమంత ఎందుకు లేదు
- లాంగ్ లిప్ కిస్ సీన్ తో సర్ ప్రైజ్ ఇవ్వనున్న చెర్రి,సుక్కు
కొన్ని నెలలుగా మెగాభిమానులను ఊరిస్తున్న రామ్ చరణ్ రంగస్థలం టీజర్ రిలీజైంది. ఈ టీజర్ యూట్యూబ్ లో క్రేజీ విడియోగా మారి ట్రెండింగ్ లో టాప్ లో దూసుకుపోతోంది. ఈ టీజర్ లో ఫస్ట్ ఇంప్రెషన్ నుంచే ఎట్రాక్ట్ చేశాడు చెర్రీ. పక్కా పల్లెటూరి కుర్రోడు.. అందులోనూ చలాకీతనం, ఊళ్లో వాళ్లందరికీ చేదోడు వాదోడుగా ఉండే తత్వం.. అన్నీ కలగలిపితే రంగస్థలంలో రాంచరణ్ క్యారెక్టర్.
తాజాగా విడుదలైన రంగస్థలం టీజర్ మొత్తంగా మెగా అభిమానుల నిరీక్షణకు తెరదించుతూ ఫ్యాన్స్ ని విశేషంగా ఆకట్టుకుంటోంది. ఈ సందర్భంగా ఫ్యాన్స్ రాంచరణ్ ఇంటి ఎదుట సైతం టపాసులతో పండుగ చేసుకున్నారు. రంగస్థలం టీజర్ విడుదలైందో లేదో క్షణాల్లో వైరల్ గా మారింది. టీజర్ అద్భుతంగా ఉందని అభిమానులు పండుగ చేసుకుంటున్నారు.
తమ సంతోషాన్ని చెర్రీతోనూ పంచుకోవాలని భావించిన ఫ్యాన్స్.. ఆయన ఇంటి ముందు కూడా టపాసులు పేల్చి సంబరాలు చేసుకున్నారు. చెర్రీ ఫ్యాన్స్ సంబరాలను ఆయన సతీమణి ఉపాసన తన ట్విట్టర్ ఖాతాలో షేర్ చేశారు. 'మా ఇంటి ముందు అభిమానులు ఇలా టపాసులు పేల్చారు. మీ అదరాభిమానాలకు ధన్యవాదాలు.' అంటూ ఆమె ట్విటర్ లో పేర్కొన్నారు. ఇక అభిమానుల తాకిడితో చెర్రీ ఇంటి ముందు టపాసులు కాలుస్తున్న సమయంలో.. బాల్కనీ విండో నుంచి ఆయన అభిమానులకు అభివాదం చేశారు.
ఇక మరోవైపు సమంతను టీజర్ లో ఎక్కడా చూపించకపోవడంతో అక్కినేని సమంత ఫ్యాన్స్ కొంత నిరుత్సాహానికి లోనయ్యారు. అయితే మున్ముందు సర్ ప్ర్రైజ్ ఇవ్వాలనే అలా ప్లాన్ చేసినట్లు తెలుస్తోంది. రంగస్థలంలో సమంత, రామ్ చరణ్ మధ్య గాఢమైన లిప్ లాక్ సీన్ వుందట. ఈ సీన్ కు సంబంధించిన సస్పెన్స్ కొనసాగించేందుకు, సమంత రోల్ ఇంట్రడక్షన్ పై మరింత క్యూరియాసిటీ పెంచేందుకే టీజర్ లో ఎక్కడా సమంతను చూపించలేదని తెలుస్తోంది. మరి సమంత, రామ్ చరణ్ లిప్ లాక్ సీన్ ఎంత హంగామా చేస్తుందో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
