శ్రీమంతుడు రికార్డును రంగస్థలంతో దాటేస్తున్న చరణ్
రామ్ చరణ్ సినిమాలకు యూఎస్ఏలో పెద్దగా మార్కెట్ ఉండదు అనేది ఇక పాత మాటే. ఇకపై ఆ మాట అనే సాహసం కూడా ఎవరూ చేయరేమో? చెర్రీ నటించిన 'రంగస్థలం' చిత్రం ఇక్కడ అద్భుతమైన కలెక్షన్స్ సాధిస్తూ దూసుకెళుతోంది. పలు టాలీవుడ్ రికార్డులను బద్దలుకొడుతూ సత్తాచాటుతోంది. తొలి 5 రోజుల్లో ఈ మూవీ కలెక్షన్ రూ. 2.5 డాలర్ మార్క్‌ను క్రాస్ అయింది.
రామ్ చరణ్ కెరీర్లోనే అత్యధికంగా 194 స్క్రీన్లలో ప్రీమియర్ షోలు ప్రదర్శించబడ్డ ఈ చిత్రం తొలి వీకెండ్ పూర్తయ్యే నాటికి $1,939,890 వసూళ్లు నమోదు చేసింది. కేవలం మూడు రోజుల్లోనే చెర్రీ గత చిత్రం ‘ధృవ' లైఫ్ టైమ్ వసూళ్లను అధిగమించింది. ప్రీమియర్ షోల ద్వారా గురువారం $706,612, శుక్రవారం $588,165, శనివారం $645,114 , ఆదివారం $426,685 వసూళ్లు రాబట్టి అదరగొట్టింది.
వారాంతం సెలవుల కారణంగా కలెక్షన్ల జోరు ప్రదర్శించిన ‘రంగస్థలం'.. సోమవారం వర్కింగ్ డే కారవడం, స్క్రీన్ల సంఖ్య కూడా తగ్గడంతో కలెక్షన్స్ కాస్త తగ్గాయి. సోమవారం ఈ చిత్రం యూఎస్ఏ బాక్సాఫీసు వద్ద $109,000 వసూలు చేసింది. దీంతో టోటల్ గ్రాస్ $2,479,213 నమోదైంది. తొలి 4 రోజుల్లోనే ‘రంగస్థలం' మూవీ ‘అ...ఆ'($2,449,000), ఖైదీ నెం 150($2,447,000) లైఫ్ టైమ్ రికార్డులను అధిగమించింది. బాహుబలి, బాహుబలి 2, శ్రీమంతుడు తర్వాత ‘రంగస్థలం' అత్యధిక వసూళ్లు సాధించిన 4వ చిత్రంగా నిలిచింది.
యూఎస్ఏ బాక్సాఫీసు వద్ద 5వ రోజు(మంగళవారం) కలెక్షన్లతో కలుపుకుని ఓవరాల్ వసూళ్లు $2,571,213 రీచ్ అయింది. త్వరలోనే ఈ చిత్రం శ్రీమంతుడు ($2,891,000) రికార్డును అధిగమిస్తుందని, లైఫ్‌టైమ్ రన్‌లో 3 మిలియన్ మార్కును అందుకునే అవకాశం ఉందని అంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
