కొన్నేళ్లుగా లావణ్యకి సరైన సక్సెస్ లేదు. దీనితో వెండితెరపై ప్రయత్నాలు చేస్తూనే ఓటిటిలో కూడా అదృష్టం పరీక్షించుకుంటోంది. అయితే రెండు రోజుల క్రితమే లావణ్య త్రిపాఠి నటించిన వెబ్ సిరీస్ 'పులి మేక' జీ 5లో విడుదలయింది.
అందాల రాక్షసి చిత్రంతో హీరోయిన్ గా ఎంట్రీ ఇచ్చిన లావణ్య త్రిపాఠి తొలి చూపులోనే కుర్రాళ్ల హృదయాలు దోచుకుంది. ఆ చిత్రంలో లావణ్య పెర్ఫామెన్స్, అల్లరి పిల్లగా డైలాగులు చెప్పే విధానం ప్రతి ఒక్కరిని ఆకర్షించింది. అందాల రాక్షసి తర్వాత లావణ్యకి నటనా ప్రాధాన్యత ఉన్న చిత్రాల కంటే గ్లామర్ రోల్స్ ఎక్కువగా వచ్చాయి.
మంచి విజయాలు కూడా దక్కించుకుంది. అయితే కొన్నేళ్లుగా లావణ్యకి సరైన సక్సెస్ లేదు. దీనితో వెండితెరపై ప్రయత్నాలు చేస్తూనే ఓటిటిలో కూడా అదృష్టం పరీక్షించుకుంటోంది. అయితే రెండు రోజుల క్రితమే లావణ్య త్రిపాఠి నటించిన వెబ్ సిరీస్ 'పులి మేక' జీ 5లో విడుదలయింది. ఈ సిరీస్ లో ఆది సాయికుమార్ కూడా నటించారు. పులి మేక సిరీస్ కి అద్భుతమైన రెస్పాన్స్ దక్కుతున్నట్లు తెలుస్తోంది.
ముఖ్యంగా లావణ్య త్రిపాఠి లేడీ పోలీస్ అధికారి పాత్రలో అదరగొట్టేసిందట. ఓ సీరియల్ కిల్లర్ పోలీస్ అధికారులని హత్య చేస్తుంటాడు. ఈ కేసుని చేధించే బాధ్యత తీసుకున్న లేడి పోలీస్ పాత్రలో లావణ్య నటించింది. ఆమెకి సహాయం చేసే ఫోరెన్సిక్ నిపుణుడిగా ఆది సాయి కుమార్ నటించారు. కథ లావణ్య కేంద్రంగానే సాగుతుంది. కథ మొత్తాన్ని లావణ్య తన నటన, యాక్షన్, ఎమోషన్ తో నడిపించింది.
ఇటీవల కాలంలో లావణ్య త్రిపాఠికి దక్కిన బెస్ట్ రోల్ అని ప్రశంసిస్తున్నారు. కథలో ఆ సీరియల్ కిల్లర్ ఎవరు అనే ఇన్వెస్టిగేషన్ ఎంగేజింగ్ గా ఉంటుంది. ఉత్కంఠ భరిత సన్నివేశాలకు తగ్గట్లుగా లావణ్య కూడా పవర్ ఫుల్ గా చేసింది. లావణ్య త్రిపాఠి పాత్రలో చాలా వేరియేషన్స్ ఉన్నట్లు తెలుస్తోంది.
పులి మేక సక్సెస్ ప్రెస్ మీట్ లో లావణ్య మాట్లాడుతూ.. ఇంత అద్భుతమైన ప్రాజెక్ట్ తీసుకువచ్చిన కోనవెంకట్ కి, దర్శకుడు చక్రికి కృతజ్ఞతలు తెలిపింది. ఈ సిరీస్ కి యుఎస్, జర్ననీ నుంచి కూడా సూపర్ రెస్పాన్స్ వస్తోంది. నాకు తెలిసిన వాళ్ళు కాల్ చేస్తున్నారు అని కోన వెంకట్ అన్నారు. మొత్తంగా పులి మేక సిరీస్ లావణ్య త్రిపాఠికి బౌన్స్ బ్యాక్ లాంటిదే అని అంటున్నారు. ఈ వెబ్ సిరీస్ తో లావణ్య ఇంకా ఫుల్ జోష్ తో మరిన్ని ప్రాజెక్ట్ చేయొచ్చు అని చెబుతున్నారు.
