Asianet News TeluguAsianet News Telugu

''బాలయ్య అసిస్టెంట్లను మాత్రమే కొడతారు..''

ఈ క్రమంలో బాలకృష్ణతో కలిసి పని చేసిన అనుభవం గురించి చెప్పారు. వీరి కాంబినేషన్ లో సినిమా మొదలైనప్పుడు, ముహూర్తం షాట్ వీడియోల్లో ఒకటి బయటకి వచ్చి వార్తల్లో నిలిచింది. తన అసిస్టెంట్ ఒకరిపై బాలకృష్ణ చేయి చేసుకున్నట్లు ఆ వీడియోలో ఉంది.

Ks Ravikumar Comments on Nandamuri Balakrishna
Author
Hyderabad, First Published Dec 19, 2019, 3:54 PM IST

టాలీవుడ్ సీనియర్ హీరో నందమూరి బాలకృష్ణ నటించిన 'రూలర్' సినిమా విడుదలకు సిద్ధంగా ఉంది. ఈ సినిమాకి కేఎస్ రవికుమార్ డైరెక్టర్ గా పని చేశారు. గతంలో వీరి కాంబినేషన్ లో 'జై సింహా' అనే సినిమా వచ్చింది. ఆ సినిమా కమర్షియల్ గా ఓకే అనిపించుకుంది.

కానీ మరీ గుర్తుండిపోయే సినిమా అయితే కాదు.. అయినప్పటికీ వీరి కాంబినేషన్ లో సినిమా రిపీట్ అయింది. ఈసారి కూడా కమర్షియల్ మాస్ ఎంటర్టైనర్ తో ప్రేక్షకుల ముందుకు రానున్నారు. ఈ సినిమా ప్రమోషన్స్ లో భాగంగా దర్శకుడు కేఎస్ రవికుమార్ మీడియాతో మాట్లాడారు.

బ్రేకింగ్: బాలకృష్ణ డైరెక్టర్ గా 'ఆదిత్య 999'!

ఈ క్రమంలో బాలకృష్ణతో కలిసి పని చేసిన అనుభవం గురించి చెప్పారు. వీరి కాంబినేషన్ లో సినిమా మొదలైనప్పుడు, ముహూర్తం షాట్ వీడియోల్లో ఒకటి బయటకి వచ్చి వార్తల్లో నిలిచింది. తన అసిస్టెంట్ ఒకరిపై బాలకృష్ణ చేయి చేసుకున్నట్లు ఆ వీడియోలో ఉంది. తన అభిమానులు చాలా మంది మీద బాలకృష్ణ వివిధ సందర్భాల్లో చేయి చేసుకున్నారు.

అలానే తన అసిస్టెంట్ మీద కూడా బాలయ్య తన ప్రతాపం చూపించారు. ఆ తరువాత కూడా బాలకృష్ణ పలు సందర్భాల్లో తన దురుసుతనాన్ని చూపించారు. బాలయ్య ప్రవర్తన చూసిన వారికి ఆయన తన అభిమానులు, అసిస్టెంట్ ల మీదే కాకుండా సినిమా కోసం పని చేసే వారితో కూడా ఇలానే వ్యవహరిస్తారా..? అనే సందేహాలు రాకమానవు.

ఈ క్రమంలో దర్శకుడు రవికుమార్ ఈ విషయంపై క్లారిటీ ఇచ్చారు. 'తన అసిస్టెంట్లు తప్పు చేసినప్పుడు మాత్రమే బాలయ్య వారిపై కోపగించుకుంటారు' అంటూ రవికుమార్ చెప్పారు. అంటే బాలయ్య చేయిదురుసుతనం టెక్నీషియన్ల మీద ఉండదన్నట్లుగా రవికుమార్ చెప్పుకొచ్చారు.  

Follow Us:
Download App:
  • android
  • ios