న్యూఢిల్లీ: కరోనా మహమ్మారిని నియంత్రించడానికి విధించిన లాక్ డౌన్ టైంలో జూమ్​ వంటి దిగ్గజ వీడియో కాన్ఫెరెన్సింగ్​ యాప్​లను తలదన్నేలా,  ఫేస్‌బుక్ తీసుకొచ్చిన 'మెసెంజర్ రూమ్స్​' త్వరలో వాట్సాప్ వెబ్​లో కనిపించనున్నది. అవును..ఇది నిజం..

ఇక మీ ల్యాప్​టాప్​లు, పర్సనల్ కంప్యూటర్లల్లో వాట్సప్​ తెరిస్తే.. 'ఫైల్​ అటాచ్ బటన్' కింద "ఈ మెసెంజర్​ రూమ్స్" షార్ట్​కట్​ అందుబాటులోకి రానున్నది. గత నెల ఫేస్​బుక్​ సరికొత్త వీడియో కాన్ఫెరెన్సింగ్ టూల్​ను విడుదల చేసింది. అదే '​మెసెంజర్​ రూమ్స్​'. 

ఈ మెసెంజర్​ రూమ్స్​లో ఒకేసారి 50 మందితో వీడియో కాల్​ మాట్లాడే సౌకర్యం ఉంటుంది. అయితే, ఈ మెసెంజర్​ రూమ్స్​ కోసం ప్రత్యేకంగా ఫేస్​బుక్​ లాగ్​ఇన్​ అవ్వాల్సిన అవసరం లేకుండా.. వాట్సప్​ వెబ్ వెర్షన్​లో కనిపించేలా ఫేస్​బుక్ ఏర్పాటు చేస్తోంది.

also read చైనాకు షాక్: ఆపిల్ ఫ్యూచర్ ప్రొడక్షన్ హబ్ ఇండియా..

దీంతో వాట్సప్​ నుంచే మెసెంజర్​ రూమ్స్​ ద్వారా 50 మందితో వీడియోకాల్​ మాట్లొడొచ్చు. అధికారిక నివేదిక ప్రకారం.. ఈ మెసెంజర్​ రూమ్స్ ​షార్ట్​కట్​ వచ్చేనెల రెండో తేదీ నుంచి వాట్సాప్​ వెబ్​లో కనిపిస్తుంది.

ఇందులో వాట్సాప్​ గ్రూప్​ సృష్టించినట్లే మెసెంజర్​ రూమ్​ క్రియేట్​ చేసుకుని వీడియోకాలింగ్​ కోసం స్నేహితులను ఇన్​వైట్​ చేయొచ్చు. అంతే కాదు, న్యూస్​ఫీడ్​, గ్రూప్స్​, ఈవెంట్​ పేజీలలో లింక్స్​ కూడా షేర్​ చేసుకోవచ్చు.

ఫేస్‌బుక్, వాట్సాప్, ఇన్‌స్టాగ్రామ్‌ల్లో ఏ ఒక్కదాన్ని ఓపెన్ చేసినా ఫేస్ బుక్ మెసేంజర్స్ రూమ్‌లోకి ఎంట్రీ అయిపోవచ్చు. ఇప్పటికే ఫేస్ బుక్ మెసేంజర్స్ రూమ్ ఫీచర్ వాట్సాప్ ఆండ్రాయిడ్ బేస్డ్ యాప్‌లో గత వారం ఎంటరైంది. అదే పద్దతుల్లో వాట్సాప్ వెబ్ లోకి ప్రవేశించేందుకు ఏర్పాట్లు జరుగుతున్నాయి.