వైఎస్ వివేకా హత్యపై క్లూస్‌ దొరికాయి: కడప ఎస్పీ

మాజీ మంత్రి వైఎస్ వివేకానందరెడ్డి హత్య కేసుకు సంబంధించి కీలకమైన ఆధారాలను సేకరించినట్టుగా కడప ఎస్పీ రాహుల్ ప్రకటించారు.

కడప: మాజీ మంత్రి వైఎస్ వివేకానందరెడ్డి హత్య కేసుకు సంబంధించి కీలకమైన ఆధారాలను సేకరించినట్టుగా కడప ఎస్పీ రాహుల్ ప్రకటించారు.

గురువారం నాడు అర్ధరాత్రి వైఎస్ వివేకానందరెడ్డి అనుమానాస్పదస్థితిలో మృతి చెందాడు.శుక్రవారం నాడు వైఎస్ వివేకానందరెడ్డి మృతదేహానికి పోస్ట్‌మార్టం నిర్వహించారు. ఈ పోస్ట్‌మార్టం రిపోర్ట్‌లో హత్యగా వైద్యులు ప్రాథమికంగా నిర్ధారించారు.

సంఘటన స్థలంలో డాగ్ స్క్వాడ్ తనిఖీలు నిర్వహించారు. ఈ తనిఖీలు నిర్వహించిన సమయంలో కీలకమైన ఆధారాలను సేకరించినట్టుగా ఎస్పీ రాహుల్ ప్రకటించారు. వైఎస్ వివేకానందరెడ్డి తలపై, చేతిపై రెండు చోట్ల గాయాలున్నట్టుగా గుర్తించామన్నారు.

ఫింగర్ ఫ్రింట్స్‌ కూడ సేకరించామని ఎస్పీ వివరించారు. రాత్రి పదకొండున్నర గంటల నుండి ఉదయం ఐదు గంటలలోపు ఏం జరిగిందనే విషయమై ఆరా తీస్తున్నామని ఎస్పీ వివరించారు.

ఈ ఆధారాల మేరకు విచారణ చేస్తున్నట్టుగా ఆయన తెలిపారు.వివేకానందరెడ్డి హత్యకు సంబంధించిన విషయమై శాస్త్రీయమైన ఆధారాలను సేకరించేందుకు గాను కడప, కర్నూల్ నుండి ఫోరెన్సిక్ బృందాలను రప్పిస్తున్నారు. 

సంబంధిత వార్తలు