బాబు, లోకేష్, ఆదిల హస్తం: వైఎస్ వివేకా మృతిపై రవీంద్రనాథ్ రెడ్డి

మాజీ మంత్రి వైఎస్ వివేకానందరెడ్డి మృతిపై చంద్రబాబునాయుడు, లోకేష్, మంత్రి ఆదినారాయణరెడ్డి హస్తం ఉందని  కమలాపురం మాజీ ఎమ్మెల్యే  రవీంద్రనాథ్ రెడ్డి సంచలన ఆరోపణలు చేశారు.

కడప: మాజీ మంత్రి వైఎస్ వివేకానందరెడ్డి మృతిపై చంద్రబాబునాయుడు, లోకేష్, మంత్రి ఆదినారాయణరెడ్డి హస్తం ఉందని కమలాపురం మాజీ ఎమ్మెల్యే రవీంద్రనాథ్ రెడ్డి సంచలన ఆరోపణలు చేశారు.

శుక్రవారం నాడు ఆయన కడపలో మీడియాతో మాట్లాడారు. వైఎస్ వివేకానందరెడ్డి మృతిపై సీబీఐతో విచారణ చేయించాలని ఆయన డిమాండ్ చేశారు.సిట్ దర్యాప్తుతో ఎలాంటి ప్రయోజనం ఉండదని ఆయన అభిప్రాయపడ్డారు. సీబీఐతో దర్యాప్తు చేయిస్తే వాస్తవాలు వెలుగులోకి వస్తాయన్నారు.

ఎన్నికల్లో తమను దెబ్బకొట్టేందుకు ఈ కుట్రకు పాల్పడ్డారని రవీంద్రనాథ్ రెడ్డి చెప్పారు. తమకు ఏపీ పోలీసులపై నమ్మకం లేదని చెప్పారు. కేంద్ర దర్యాప్తు సంస్థలతో ఈ ఘటనపై విచారణ జరిపించాలని ఆయన డిమాండ్ చేశారు.

సంబంధిత వార్తలు