అరకు ఉపఎన్నికపై స్పష్టత ఇచ్చిన ఈసి

ఇటీవల అరకు ఎమ్మెల్యే కిడారి సర్వేశ్వరరావును మావోయిస్టులు దారుణంగా హతమార్చిన విషయం తెలిసిందే. అయితే  ఎమ్మెల్యే మరణంతో ఆ స్థానానికి ఉపఎన్నికలు జరిగే అవకాశం ఉందని ప్రచారం జరుగుతోంది. సార్వత్రిక ఎన్నికలకు ఇంకా దాదాపు 8 నెలల సమయం ఉంది కాబట్టి ఐదు రాష్ట్రాలతో పాటే బైపోల్ జరిగే అవకాశం ఉందని అందరూ భావించారు. అయితే ఊహాగానాలకు ఎన్నికల సంఘం తెరవేసింది.

O.P. Rawat

ఇటీవల అరకు ఎమ్మెల్యే కిడారి సర్వేశ్వరరావును మావోయిస్టులు దారుణంగా హతమార్చిన విషయం తెలిసిందే. అయితే ఎమ్మెల్యే మరణంతో ఆ స్థానానికి ఉపఎన్నికలు జరిగే అవకాశం ఉందని ప్రచారం జరుగుతోంది. సార్వత్రిక ఎన్నికలకు ఇంకా దాదాపు 8 నెలల సమయం ఉంది కాబట్టి ఐదు రాష్ట్రాలతో పాటే బైపోల్ జరిగే అవకాశం ఉందని అందరూ భావించారు. అయితే ఊహాగానాలకు ఎన్నికల సంఘం తెరవేసింది.

ఇవాళ ఐదు రాష్ట్రాల ఎన్నికల షెడ్యూల్ ను కేంద్ర ఎన్నికల సంఘం విడుదల చేసింది. అయితే అరకు అసెంబ్లీ స్థానానికి మాత్రం ఉప ఎన్నికలు ఉండవని ఎన్నికల కమీషనర్ రావత్ స్పష్టం చేశారు. కర్ణాటక లోని షిమోగా, బళ్లారి, మాండ్యా స్థానాలకు ఈ ఐదు రాష్ట్రాలతో పాటే ఉపఎన్నికలు నిర్వహించనున్నట్లు వెల్లడించిన రావత్...అరకు అసెంబ్లీకి గురించి మాత్రం ప్రస్తావించలేదు. దీంతో అరకు ఉప ఎన్నికల ప్రచారానికి తెరపడనుంది.దీంతో సార్వత్రిక ఎన్నికలతో పాటే అరకు అసెంబ్లీకి ఎన్నికలు జరగనున్నాయి. 

అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమలను లివిటిపట్టు సమీపంలో మావోయిస్టులు హతమార్చారు. దీంతో ఈ అసెంబ్లా స్థానం ఖాళీ అయ్యింది. 

 మరిన్ని వార్తలు