అక్టోబర్ 27న ప్రజా కూటమి అభ్యర్థుల తొలి జాబితా: పెద్దిరెడ్డి

అక్టోబర్ 27వ తేదీన ప్రజా కూటమి అభ్యర్థుల తొలి జాబితాను  విడుదల చేయనున్నట్టు టీడీపీ తెలంగాణ రాష్ట్ర నాయకుడు ఇనుగాల పెద్దిరెడ్డి ప్రకటించారు.

హైదరాబాద్: అక్టోబర్ 27వ తేదీన ప్రజా కూటమి అభ్యర్థుల తొలి జాబితాను  విడుదల చేయనున్నట్టు టీడీపీ తెలంగాణ రాష్ట్ర నాయకుడు ఇనుగాల పెద్దిరెడ్డి ప్రకటించారు.  నవంబర్ 1వ తేదీలోపుగా  ప్రజా కూటమి అభ్యర్థుల పూర్తి స్థాయి జాబితాను విడుదల చేస్తామని ఆయన ప్రకటించారు.

మంగళవారం నాడు ఆయన  మీడియాతో మాట్లాడారు. రాష్ట్రంలో  టీఆర్ఎస్‌ను గద్దె దించేందుకు గాను  ప్రజా కూటమిలోని పార్టీలన్నీ  కలిసికట్టుగా  పనిచేస్తున్నాయని ఆయన చెప్పారు. 

కూటమిలో పార్టీల్లోని సీట్ల సర్దుబాటులో అసంతృప్తి ఉన్నా.... అంతా సర్దుకొంటుందని ఆయన అభిప్రాయపడ్డారు.  టీఆర్ఎస్‌ను ఓడించడమే లక్ష్యంగా పనిచేస్తున్నందున  అసంతృప్తి ఎక్కువ కాలం ఉండదని ఆయన అభిప్రాయపడ్డారు.

సీట్లు ఫైనల్ కాకముందే శేరిలింగంపల్లి సీటు కోసం ఆందోళన చేయడం బాధాకరమన్నారు. టీడీపీ అభ్యర్థుల తరపున చంద్రబాబునాయుడు ప్రచారం నిర్వహిస్తారని  ఆయన ప్రకటించారు.

సంబంధిత వార్తలు