జయరాం హత్యలో ట్విస్ట్: శిఖా చౌదరితో హైదరాబాద్ క్రికెటర్ కు లింక్స్

జయరాం హత్య జరిగిన రోజు శిఖా చౌదరి విల్లాకు  యువ క్రికెటర్ వచ్చినట్లు తెలుస్తోంది. ఆ క్రికెటర్ ఎవరనేది తెలియడం లేదు. అతను ఐపిఎల్ మ్యాచులు కూడా ఆడినట్లు చెబుతున్నారు. 

హైదరాబాద్‌: ఎన్నారై పారిశ్రామికవేత్త చిగురుపాటి జయరాం హత్య కేసు పలు మలుపులు తిరుగుతోంది. ఆయన హత్య కేసు దర్యాప్తును హైదరాబాదు పోలీసులు వేగవంతం చేశారు. చిగురుపాటి జయరాం మేనకోడలు శిఖా చౌదరి కాల్ లిస్టులో ఆ క్రికెటర్ పేరు ఉన్నట్లు తెలుస్తోంది. 

జయరాం హత్య జరిగిన రోజు శిఖా చౌదరి విల్లాకు ఆ యువ క్రికెటర్ వచ్చినట్లు తెలుస్తోంది. ఆ క్రికెటర్ ఎవరనేది తెలియడం లేదు. అతను ఐపిఎల్ మ్యాచులు కూడా ఆడినట్లు చెబుతున్నారు. జయరాం చివరి కాల్ కూడా శిఖా చౌదరికే వెళ్లినట్లు పోలీసులు కనిపెట్టినట్లు చెబుతున్నారు. 

హత్యకు ముందు రోజు జయరాం రాత్రి ఏడున్నర గంటల వరకు శిఖా చౌదరి ఇంట్లోనే ఉన్నట్లు తెలుస్తోంది. జయరాం భార్య పద్మశ్రీ హైదరాబాదుకు చేరుకోక ముందే డాక్యుమెంట్లు తెచ్చుకోవాలని తల్లి శిఖా చౌదరికి చెప్పినట్లు, దాంతో శిఖా చౌదరి సంతోష్ అనే వ్యక్తితో హత్య జరిగిన రోజునే జయరాం ఇంటికి వెళ్లినట్లు చెబుతున్నారు. 

తన భర్త హత్య విషయంలో శిఖా చౌదరినే జయరాం భార్య అనుమానిస్తున్న విషయం తెలిసిందే. శిఖా చౌదరియే జయరాం హత్యకు పథక రచన చేసి అమలు చేసిందని ఆమె ఆరోపిస్తున్నారు. 

సంబంధిత వార్తలు