వర్మ 'లక్ష్మీస్ ఎన్టీఆర్'.. రెండో పాట టీజర్!

కొద్దిరోజుల క్రితం 'వెన్నుపోటు' పాటని విడుదల చేసి వివాదాలకు కారణమైన దర్శకుడు రామ్ గోపాల్ వర్మ ఇప్పుడు తన 'లక్ష్మీస్ ఎన్టీఆర్' సినిమా నుండి 'ఎందుకు..?' అనే రెండో పాటను విడుదల చేయబోతున్నాడు.

''జయసుధ, జయప్రద, శ్రీదేవీ.. వీళ్లందరినీ వదిలి ఆ లక్ష్మీపార్వతినే ఎందుకు..? ఎందుకు..?'' అంటూ సాగే పాట టీజర్ ని ట్విట్టర్ ద్వారా విడుదల చేశాడు. పూర్తి పాటను ఈరోజు సాయంత్రం 5 గంటలకు విడుదల చేస్తానని చెప్పాడు.

ఈ టీజర్ లో పాటలో వచ్చే ప్రశ్నల గురించి ప్రస్తావించాడు. ''ఈ పాటలోని ప్రశ్నల వెనుక.. అబద్దాలుగా చెలామణి అవుతోన్న నిజాలను, నిజాలుగా మసిపూసుకున్న అబద్ధాలను బండకేసి కొట్టి ఉతికి ఆరేయటమే 'లక్ష్మీస్ ఎన్టీఆర్' ధ్యేయం'' అంటూ వర్మ వెల్లడించారు.

ఎన్టీఆర్ జీవితంలోకి లక్ష్మీపార్వతి వచ్చిన తరువాత ఎలాంటి సంఘటనలు  చోటుచేసుకున్నాయనే అంశాలతో ఈ సినిమాను రూపొందించారు. కళ్యాణి మాలిక్ ఈ సినిమాకి సంగీతం అందిస్తున్నారు. 

ఇవి కూడా చదవండి..