కోదండరామ్‌తో ఉత్తమ్ భేటీ: ఆ స్థానాల్లో ఏం చేద్దాం

తమకు కేటాయించిన స్థానాల్లో  కాంగ్రెస్ పార్టీ  అభ్యర్థులను బరిలోకి దించడంపై   ఏం చేయాలనే విషయమై టీజేఎస్ మల్లగుల్లాలు పడుతోంది

హైదరాబాద్: తమకు కేటాయించిన స్థానాల్లో కాంగ్రెస్ పార్టీ అభ్యర్థులను బరిలోకి దించడంపై ఏం చేయాలనే విషయమై టీజేఎస్ మల్లగుల్లాలు పడుతోంది. ఈ విషయమై టీజేఎస్ కోర్ కమిటీ గురవారం నాడు నిర్వహించనున్నారు. ఈ సమావేశానికి ముందే టీపీసీసీ చీఫ్ ఉత్తమ్ కుమార్ రెడ్డి కోదండరామ్ తో భేటీ కావడం ప్రాధాన్యతను సంతరించుకొంది.

ప్రజాకూటమి(మహాకూటమి)లోని భాగస్వామ్య పార్టీలైన కాంగ్రెస్, టీజేఎస్‌ల మధ్య స్నేహపూర్వకమైన పోటీ అనివార్యంగా మారే పరిస్థితులు కన్పిస్తున్నాయి. తమకు కేటాయించిన స్థానాల్లో కూడ కాంగ్రెస్ పార్టీ అభ్యర్థులకు ఆ పార్టీ నాయకత్వం బీ ఫారాలు ఇవ్వడంపై టీజేఎస్ కొంత అసంతృప్తితోనే ఉంది. ఈ విషయమై బుధవారం నాడు రాత్రి కోదండరామ్ పార్టీ ముఖ్యులతో చర్చించారు.

ఈ విషయమై ఏం చేయాలనే దానిపై గురువారం నాడు కోర్‌కమిటీలో చర్చించి ఓ నిర్ణయం తీసుకోవాలని భావించారు.అయితే కోర్ కమిటీ సమావేశానికి కంటే ముందే గురువారం నాడు తెల్లవారుజామునే టీపీసీసీ చీఫ్ ఉత్తమ్ కుమార్ రెడ్డి టీజేఎస్ చీఫ్ కోదండరామ్ తో భేటీ అయ్యారు.

ఈ భేటీలో ఎందుకు టీజేఎస్‌కు కేటాయించిన స్థానాల్లో కాంగ్రెస్ పార్టీ తమ అభ్యర్థులను బరిలోకి దింపాల్సి వచ్చిందో ఉత్తమ్ కుమార్ రెడ్డి వివరించారు.ఈ మేరకు సర్వే రిపోర్టులను కూడ కాంగ్రెస్ పార్టీ చీఫ్ ఉత్తమ్ కుమార్ రెడ్డి కోదండరామ్ కు వివరించినట్టు చెప్పారు. 

గతంలో అనుకొన్నట్టుగానే రెండు స్థానాల్లో స్నేహపూర్వకపోటీ ఉంటుందని భావించాం.... మరో రెండు స్థానాల్లో అదనంగా స్నేహాపూర్వక పోటీ నెలకొనే అవకాశం ఉందని కాంగ్రెస్ వర్గాలు టీజేఎస్‌ వర్గాలకు తేల్చి చెప్పాయి.తమకు కేటాయించిన స్థానాల్లో కాంగ్రెస్ పార్టీ పోటీ చేయడంపై ఏం చేయాలనే దానిపై టీజేఎస్ కోర్ కమిటీ చర్చించి నిర్ణయం తీసుకొనే అవకాశం ఉంది.

సంబంధిత వార్తలు