ఇంటర్ ఫలితాలపై రాజకీయాలు చేస్తున్నారు: మంత్రి జగదీష్ రెడ్డి

ఇంటర్మీడియట్ ఫలితాలపై జరుగుతున్న తప్పుడు ప్రచారాన్ని రాష్ట్ర విద్యాశాఖ మంత్రి జగదీష్ రెడ్డి ఖండించారు. కొందరు  ఉద్దేశ్యపూర్వకంగానే ఇంటర్ పరీక్షా ఫలితాలపై కొందరు రాజకీయం చేయాలని చూస్తున్నారని ఆయన మండిపడ్డారు. 

సూర్యాపేట: ఇంటర్మీడియట్ ఫలితాలపై జరుగుతున్న తప్పుడు ప్రచారాన్ని రాష్ట్ర విద్యాశాఖ మంత్రి జగదీష్ రెడ్డి ఖండించారు. కొందరు ఉద్దేశ్యపూర్వకంగానే ఇంటర్ పరీక్షా ఫలితాలపై కొందరు రాజకీయం చేయాలని చూస్తున్నారని ఆయన మండిపడ్డారు.

మంగళవారం నాడు ఆయన సూర్యాపేటలోని తన కార్యాలయంలో మీడియాతో మాట్లాడారు. ఇంటర్ ఫలితాల విషయంలో రాజకీయాలకు ప్రయత్నిస్తున్న చిల్లర ప్రయత్నాలను విద్యార్థుల తల్లిదండ్రులు గుర్తించాలని ఆయన సూచించారు. 

ఇంటర్ పరీక్షల్లో అసలు ఏం జరిగిందనే విషయమై విచారణ చేస్తున్నామని ఆయన చెప్పారు. అంతర్గత తగాదాలతో వచ్చిందా... నిజంగా ఏమైనా జరిగిందా అనే కోణంలో దర్యాప్తు చేస్తున్నామన్నారు.

సాంకేతికంగా తప్పులు జరిగినా ....దానికి బాద్యులను గుర్తించి కఠినంగా శిక్షిస్తామని ఆయన హెచ్చరించారు. ఈ వ్యవహారంలో ఏ ఒక్కరిని కూడ నష్టపోకుండా అన్ని రకాల చర్యలు తీసుకొంటామని ఆయన హామీ ఇచ్చారు. 

నిపుణుల కమిటీ బుధవారం సాయంత్రం లేదా గురువారం నాటికి నివేదిక ప్రభుత్వానికి అందిస్తోందన్నారు.ఆ నివేదిక ఆధారంగా తప్పు తేలితే దోషులు ఎంతటి స్థానంలో ఉన్నా చర్యలు కఠినంగా ఉంటాయని మంత్రి జగదీష్ రెడ్డి హెచ్చరించారు. విద్యార్థులు, వారి తల్లిదండ్రులు ఆందోళనకు గురికాకుండా ఉండాలని ఆయన సూచించారు.

సంబంధిత వార్తలు