ఈటల వ్యాఖ్యల్లో తప్పులేదు: ఎంపీ లక్ష్మీకాంతరావు బాసట

మంత్రి ఈటల రాజేందర్ కు ఆ పార్టీ ఎంపీ మద్దతుగా నిలిచారు.ఈ వ్యాఖ్యల్లో తప్పు లేదని ఎంపీ సమర్ధించారు. 

mp lakshmi kanta rao

కరీంనగర్: తెలంగాణ రాష్ట్ర వైద్య, ఆరోగ్యశాఖ మంత్రి ఈటల రాజేందర్ కు ఆ పార్టీ ఎంపీ కెప్టెన్ లక్ష్మీకాంతారావు మద్దతుగా నిలిచారు. ఈటల రాజేందర్ వ్యాఖ్యలను ఆయన సమర్ధించారు.

ఆదివారం నాడు ఈటల రాజేందర్ వ్యాఖ్యలపై ఎంపీ కెప్టెన్ లక్ష్మీకాంతారావు స్పందించారు. ఈటల రాజేందర్ వ్యాఖ్యల్లో ఎలాంటి తప్పు లేదన్నారు. తెలంగాణ ఉద్యమం నుండి వచ్చిన నేత ఈటల రాజేందర్ అని ఆయన గుర్తు చేశారు.ఈటల రాజేందర్ వ్యాఖ్యల్లో తప్పులు వెతకడం సరైంది కాదన్నారు.

ఎంపీ కెప్టెన్ లక్ష్మీకాంతరావు సీఎం కేసీఆర్ అత్యంత సన్నిహితుడు. కెప్టెన్ లక్ష్మీకాంతరావు ఈటల రాజేందర్ కు మద్దతుగా నిలవడం ప్రాధాన్యత సంతరించుకొంది.గత నెల 29వ తేదీన ఈటల రాజేందర్ సంచలన వ్యాఖ్యలు చేశారు. మంత్రి పదవి తనకు బిక్ష కాదన్నారు.బీసీ కులాన్ని అడ్డుపెట్టుకొని ఏనాడూ కూడ మంత్రి పదవిని అడగలేదన్నారు.

తాను ఇల్లు కట్టుకొంటే ఎందుకు కక్ష కట్టారని ఆయన ప్రశ్నించారు. అసెంబ్లీ ఎన్నికల్లో తనను ఓడించేందుకు డబ్బులు పంచారని కూడ ఆయన తీవ్ర ఆరోపణలు చేశారు. గులాబీ జెండాకు తామే ఓనర్లమని ఆయన తేల్చి చెప్పారు.

సంబంధిత వార్తలు