ఈటలకు మంత్రి ఎర్రబెల్లి కౌంటర్: గులాబీ జెండా బాస్ కేసీఆర్

సారాంశం

టీడీపీలో ఉన్న ఎర్రబెల్లి దయాకర్ రావును టీఆర్ఎస్‌లో చేర్చడంలో హరీష్ రావు కీలకంగా వ్యవహరించారు. దయాకర్ రావు టీఆర్ఎస్‌లో చేరిన తర్వాత కేసీఆర్‌కు, కేటీఆర్‌కు అత్యంత నమ్మకస్తుడిగా మారాడు.

హైదరాబాద్: తెలంగాణ వైద్యఆరోగ్యశాఖ మంత్రి ఈటల రాజేందర్ వ్యాఖ్యలకు కౌంటర్ ఇచ్చారు మంత్రి ఎర్రబెల్లి దయాకర్ రావు. గులాబీ జెండా బాస్ ముమ్మాటికి సీఎం కేసీఆరేనని చెప్పుకొచ్చారు. టీఆర్ఎస్ జెండాను తయారు చేసింది కేసీఆరేనని చెప్పుకొచ్చారు. 

తెలంగాణ భవన్ లో ఈటల రాజేందర్ వ్యాఖ్యలపై మీడియాతో చిట్ చాట్ చేశారు. తెలంగాణ కోసం తాను కూడా పోరాటం చేశానని స్పష్టం చేశారు. తెలంగాణ ఉద్యమ సమయంలో తాను ఉన్న తెలుగుదేశం పార్టీ నుంచి తెలంగాణకు అనుకూలంగా లేఖ ఇప్పించినట్లు గుర్తు చేశారు. 

టీఆర్ఎస్ పార్టీలో ఎలాంటి వివాదాలు లేవని అంతా కలిసే ఉన్నామన్నారు. పార్టీ క్రమశిక్షణకు ప్రతీ ఒక్కరూ కట్టుబడి వ్యవహరించాలని సూచించారు. టీఆర్ఎస్ పార్టీలో ఓనర్ల చిచ్చు లేదని, ఆదిపత్యపోరు అంతకన్నా లేదని చెప్పుకొచ్చారు మంత్రి ఎర్రబెల్లి దయాకర్ రావు. 

  ఈ వార్తలు కూడా చదవండి