ఎఫ్ఆర్‌ఓ అనితపై దాడి: కోనేరు కృష్ణ సహా 16 మంది విడుదల

ఎఫ్ఆర్ఓ అనితపై దాడి కేసులో  కోనేరు కృష్ణ కు ఎట్టకేలకు బెయిల్ లభించింది. బెయిల్ రావడంతో కృష్ణ సహా 15 మంది విడుదలయ్యారు.

Anitha

ఆదిలాబాద్: ఎఫ్ఆర్‌ఓ అనితపై దాడి కేసులో కోనేరు కృష్ణ బెయిల్ పై గురువారం నాడు విడుదలయ్యాడు.

ఉమ్మడి ఆదిలాబాద్ జిల్లాలోని సార్సా గ్రామంలో మొక్కలు నాటేందుకు భూమిని చదును చేస్తున్న అటవీశాఖాధికారులపై కోనేరు కృష్ణతో పాటు ఆయన అనుచరులు దాడికి దిగారు.ఈ ఘటన ఈ ఏడాది జూన్ 30వ తేదీన చోటు చేసుకొంది.

కాళేశ్వరం ప్రాజెక్టు నిర్మాణం కారణంగా ప్రత్యామ్నాయ అటవీకరణ పనుల్లో భాగంగా అటవీశాఖాధికారులు మొక్కలు నాటేందుకు సార్సా గ్రామానికి వెళ్లారు.మొక్కలు నాటకుండా స్థానికులు అడ్డుకొన్నారు. ఈ సమయంలోనే మాజీ జడ్పి వైఎస్ చైర్మెన్ కోనేరు కృష్ణ ఆయన అనుచరులు దాడికి దిగారు.

ఈ ఘటనపై అనిత ఫిర్యాదు మేరకు కోనేరు కృష్ణ సహా ఆయన అనుచరులు 38 మందిపై కేసు నమోదైంది. కేసు నమోదైన వారిలో కృష్ణతో పాటు మరో 15 మందిని రిమాండ్ తరలించారు. వీరు బెయిల్ కోసం తీవ్రంగా ప్రయత్నించినా ఫలితం దక్కలేదు. 

.ఈ కేసులో కోనేరు కృష్ణ సహా ఆయన అనుచరులకు ఇటీవలనే బెయిల్ వచ్చింది. బెయిల్ రావడంతో గురువారం నాడు కోనేరు కృష్ణ గురువారం నాడు జైలు నుండి విడుదల య్యారు.

సంబంధిత వార్తలు